اسرائیل کی مدد سے آزادی کا اعلان کریں گے:دروزی رہنما

 اسرائیل کی مدد سے آزادی کا اعلان کریں گے:دروزی رہنما

شام کے دروزیوں کے رہنما نے اعلان کیا ہے کہ ان کی کمیونٹی سریا سے الگ ہو کر ایک خودمختار ریاست قائم کرنے کی تیاری کر رہی ہے اور اس منصوبے میں انہیں اسرائیل اور سابق امریکی صدر ڈونلڈ ٹرمپ کی حمایت حاصل ہے۔

یہ اطلاع عبری زبان کے اخبار یسرائیل ہیوم نے دی، جس کے مطابق ڈروزی رہنما حکمت الهجری نے کہا کہ ڈروزی فورسز خود صوبہ سویداء کے انتظامات سنبھالنے کی صلاحیت رکھتی ہیں اور اس مقصد کے لیے وہ سرحدی راستے کھولنے کے خواہاں ہیں تاکہ اسرائیل سے رابطہ بحال ہو سکے اور جولانی حکومت کے محاصرے کو توڑا جا سکے۔

الهجری نے مزید کہا کہ ڈروزیوں کا مقصد مرکزی حکومت سے الگ ہو کر بین الاقوامی قوانین کے دائرے میں ایک آزاد اور خودمختار ڈھانچہ قائم کرنا ہے۔ انہوں نے امریکہ اور اسرائیل کی طرف سے فراہم کردہ معاونت پر شکریہ بھی ادا کیا اور زور دیا کہ ڈروزی اپنی خود ارادیت کے حق سے کبھی پیچھے نہیں ہٹیں گے۔