آسٹریلیا مین مسلمان دھمکی آمیز پیغامات سے تشویش کا شکار

آسٹریلیا

?️

آسٹریلیا مین مسلمان دھمکی آمیز پیغامات سے تشویش کا شکار

آسٹریلیا بھر میں مسلمان برادریاں رواں سال رمضان المبارک سے قبل دھمکی آمیز پیغامات نفرت انگیز مہم اور مسلمانوں کے خلاف حملوں کے باعث شدید تشویش میں مبتلا ہیں رمضان عام طور پر روحانی تازگی خوشی اور اجتماعات کا مہینہ سمجھا جاتا ہے لیکن اس بار فضا مختلف دکھائی دے رہی ہے

آسٹریلوی خبر رساں ادارے ایس بی ایس کی رپورٹ کے مطابق اسلاموفوبیا کے بڑھتے ہوئے واقعات خصوصاً ملک کی سب سے بڑی مسجد کے خلاف متعدد دھمکیوں کے بعد یہ خدشات مزید بڑھ گئے ہیں انجمن مسلمانان لبنان جو مغربی سڈنی میں واقع لاکمبا مسجد کی نگرانی کرتی ہے نے بتایا کہ رمضان سے قبل انہیں تیسری مرتبہ دھمکی موصول ہوئی ہے

سن 2021 کے اعداد و شمار کے مطابق لاکمبا کے 61 فیصد رہائشی خود کو مسلمان قرار دیتے ہیں اور یہی شہر آسٹریلیا کی سب سے بڑی مسجد کا مرکز ہے جہاں رمضان المبارک کے دوران ہر رات ہزاروں افراد عبادات کے لیے جمع ہوتے ہیں انجمن کا کہنا ہے کہ کمیونٹی کے افراد نے ان سے رابطہ کر کے ممکنہ ناخوشگوار واقعات پر تشویش ظاہر کی ہے والدین اپنے بچوں کو مسجد لانے کے بارے میں فکرمند ہیں اور کسی بھی برادری کو آسٹریلیا میں اس طرح کے خوف کا سامنا نہیں ہونا چاہیے

نیو ساؤتھ ویلز پولیس نے بتایا ہے کہ وہ ان دھمکی آمیز پیغامات کی تحقیقات کر رہی ہے اور یہ اس نوعیت کا تیسرا واقعہ ہے

اسلاموفوبیا رجسٹری آسٹریلیا نے دسمبر میں بونڈی حملے کے بعد شکایات میں 740 فیصد اضافے کی نشاندہی کی ہے ادارے کی 2023 تا 2024 کی رپورٹ میں قیام کے بعد سے سب سے زیادہ واقعات درج کیے گئے جن میں جسمانی حملے زبانی توہین دھمکیاں اور توڑ پھوڑ شامل ہیں بونڈی حملہ یہودیوں کی حنوکا تقریب کو نشانہ بنانے کا واقعہ تھا جس میں پندرہ افراد ہلاک اور درجنوں زخمی ہوئے تھے اور تفتیش کاروں کے مطابق حملہ آور خود ساختہ دولت اسلامیہ داعش کی شدت پسند سوچ سے متاثر تھے

اسلاموفوبیا رجسٹری کی ایگزیکٹو ڈائریکٹر نورا آمات نے ایس بی ایس کو بتایا کہ بہت سے مسلمان مساجد میں جانے کھلے عام مذہبی شعائر ادا کرنے حتیٰ کہ روزمرہ سرگرمیاں انجام دینے میں بھی عدم تحفظ محسوس کر رہے ہیں ان کے مطابق مسلمانوں کے خلاف منفی بیانات سامنے آنے کے بعد رپورٹ ہونے والے واقعات میں مسلسل اضافہ دیکھا جاتا ہے

آسٹریلین نیشنل امام کونسل کے مشیر بلال رؤف نے کہا کہ رمضان قریب آنے کے ساتھ بے چینی میں اضافہ ہو گیا ہے انہوں نے بتایا کہ نفرت انگیز تقاریر سخت توہین آمیز جملوں اور جسمانی و زبانی ہراسانی کے واقعات سامنے آئے ہیں جن کا اثر خاص طور پر خواتین اور بچوں پر پڑا ہے رجسٹری کے مطابق مسلم خواتین اور لڑکیاں زیادہ نشانہ بنتی ہیں

فیڈریشن آف اسلامک کونسلز آسٹریلیا کے صدر راتب جنید کا کہنا ہے کہ رمضان عام طور پر امن اور روحانی تجدید کا زمانہ ہوتا ہے لیکن اس سال صورتحال مختلف ہے ان کے مطابق جب لاکمبا جیسی مسجد کو بار بار دھمکیاں ملتی ہیں تو اس کے اثرات صرف ایک جماعت تک محدود نہیں رہتے

رمضان کے آغاز سے قبل انجمن مسلمانان لبنان نے ریاستی حکومت اور نیو ساؤتھ ویلز پولیس سے اضافی تعاون کا مطالبہ کیا ہے انجمن علمائے دینی کے سیکرٹری کامل خیر نے کہا کہ لوگوں میں یہ سوال بڑھتا جا رہا ہے کہ کیا مقدس مہینے میں لاکمبا مسجد آنا محفوظ ہوگا یا نہیں ان کا کہنا تھا کہ ایک غیر منافع بخش تنظیم اتنے بڑے اجتماع کی سیکیورٹی کی ضمانت نہیں دے سکتی

انہوں نے پولیس اور نیو ساؤتھ ویلز کے وزیر اعلیٰ کرس مینز سے تین مطالبات کیے جن میں تراویح کی نماز کے دوران پولیس کی اضافی موجودگی ماہ بھر علاقے میں مزید گشت اور سیکیورٹی کیمروں اور محافظوں کے لیے سرکاری فنڈنگ شامل ہے ان کا کہنا تھا کہ انہوں نے متعدد بار درخواست کی مگر اب تک جواب نہیں ملا

وزیر اعلیٰ کے دفتر نے معاملہ ریاستی وزیر پولیس یاسمین کیٹلی کو بھجوا دیا اور کہا کہ کمیونٹی کی سلامتی حکومت اور پولیس کی اولین ترجیح ہے اور ہر فرد کو اپنے گھر عبادت گاہ اور اہم مواقع پر اجتماع کے دوران محفوظ محسوس کرنے کا حق حاصل ہے

نیو ساؤتھ ویلز پولیس نے ایک علیحدہ بیان میں کہا ہے کہ وہ مسجد کو بھیجے گئے دھمکی آمیز خط کی تحقیقات کر رہی ہے اور ماضی کی طرح رمضان کے سماجی و مذہبی پروگراموں میں پولیس کی موجودگی جاری رکھی جائے گی پولیس ترجمان کے مطابق کمیونٹی کو اعتماد دلانے کے لیے ضرورت اور خطرے کے جائزے کی بنیاد پر اضافی وسائل بھی تعینات کیے جائیں گے

مشہور خبریں۔

کالعدم ٹی ٹی پی کے حوالے وزیر اعظم کا اہم بیان

?️ 24 ستمبر 2021اسلام آباد (سچ خبریں) وزیراعظم عمران خان نے کالعدم ٹی ٹی پی

امارات میں علاقائی اور بین الاقوامی طاقتیں کیا تلاش کر رہی ہیں؟

?️ 29 جولائی 2023سچ خبریں:جاپان اور ہندوستان کے وزرائے اعظم اور ترکی کے صدر کے

جنت مرزا نے مقبولیت کی دوڑ  میں سب کو پیچھے چھوڑ دیا

?️ 10 اپریل 2021لاہور(سچ خبریں)پاکستان کی ٹاپ ماڈل، ٹک ٹاک اسٹار اور اداکارہ جنت مرزا

ن لیگی وفد کی ایم کیو ایم اور جی ڈی اے قیادت سے ملاقاتیں، الیکشن اتحاد پر اہم پیشرفت

?️ 30 دسمبر 2023کراچی: (سچ خبریں) پاکستان مسلم لیگ ن کے صدر شہباز شریف کی

لاہور میں ایشیا کا سب سے بڑا جنگل لگانے کا منصوبہ

?️ 15 جولائی 2021لاہور (سچ خبریں)پنجاب وزیر اعلی کی ہدایت پر لاہور میں ایشیا کا

افغانستان جنگ کے حوالے سے نئے اعترافات

?️ 30 مئی 2025سچ خبریں: بی بی سی کی ایک نئی تحقیقی رپورٹ کے مطابق، افغانستان

پارلیمانی کمیٹی کی لاہور ہائیکورٹ کے 11 ایڈیشنل ججوں کے ناموں کی توثیق

?️ 3 نومبر 2022لاہور:(سچ خبریں) ججز کی تعیناتی سے متعلق پارلیمانی کمیٹی نے لاہور ہائی

پنسلوانیا یونیورسٹی کی صدر نے استعفیٰ کیوں دیا ؟ 

?️ 12 دسمبر 2023سچ خبریں:یونیورسٹی آف پنسلوانیا کی صدر لز میگیل جنہیں اس یونیورسٹی کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے