صیہونی حکام کی غزہ جانے والے امدادی ٹرکوں کی لوٹ مار کی اجازت؛صیہونی اخبار کا انکشاف

?️ 11 نومبر 2024

سچ خبریں:صیہونی فوج نے مسلح افراد کو غزہ میں امدادی سامان لے جانے والے ٹرکوں کو روک کر لوٹنے اور سامان ضبط کرنے کی کھلی چھوٹ دے رکھی ہے

المیادین نیوز چینل کی رپورٹ کے مطابق، صیہونی اخبار ہارٹیز نے انکشاف کیا ہے کہ صیہونی فوج نے مسلح افراد کو غزہ میں امدادی سامان لے جانے والے ٹرکوں کو روک کر لوٹنے اور سامان ضبط کرنے کی کھلی اجازت دے رکھی ہے۔

یہ بھی پڑھیں: کابینہ نے فلسطین، لبنان میں امدادکیلئے وزیراعظم ریلیف فنڈ قائم کرنے کی منظوری دے دی

رپورٹ کے مطابق، مسلح عناصر اکثر امدادی ٹرکوں کو کرم ابو سالم کے راستے پر روک کر ان میں موجود سامان فوج کے زیر کنٹرول گوداموں میں منتقل کر دیتے ہیں۔

غزہ میں موجود ذرائع نے بتایا کہ یہ لوٹ مار کے واقعات عام طور پر فوجی اہلکاروں کی موجودگی میں رونما ہوتے ہیں، جبکہ بعض اوقات ٹرک ڈرائیور صیہونی فوج سے مدد کی اپیل کرتے ہیں لیکن انہیں کوئی تعاون نہیں ملتا۔

مزید پڑھیں: غزہ کو امداد کی فراہمی میں رکاوٹ کا ذمہ دار کون ہے؟برطانوی وزیر اعظم کا دعویٰ

مزید یہ بھی انکشاف کیا گیا کہ غزہ کی مقامی پولیس نے بعض مواقع پر مسلح افراد کو لوٹ مار سے روکنے کی کوشش کی، تاہم ان کا سامنا صیہونی فوج کے حملے سے ہوا۔