بن گورین ایئرپورٹ پر کون سے میزائل لگے ہیں؟یمنی عہدیدار کی زبانی

سچ خبریں:انصاراللہ یمن کے رہنما نصرالدین عامر نے تصدیق کی ہے کہ بن گورین ایئرپورٹ پر حملہ ایک نئے میزائل سے کیا گیا، جس کا مقصد اسرائیلی پروازوں کو روکنا اور غزہ کے محاصرے کے خاتمے تک ہوائی ناکہ بندی قائم رکھنا ہے۔

یمن کی انقلابی تحریک انصاراللہ کے اعلیٰ رہنما نصرالدین عامر نے اسرائیل کے بن گورین ایئرپورٹ پر میزائل حملے کی تصدیق کرتے ہوئے کہا ہے کہ یہ کارروائی ایک نئے تیار کردہ میزائل کے ذریعے کی گئی ہے، اور یہ حملہ غزہ کے محاصرے کے خلاف عملی ردعمل تھا۔

یہ بھی پڑھیں: یمن کے بیلسٹک میزائل حملے کی انفرادیت؛اسرائیل کے دل پر کاری وار

الجزیرہ سے گفتگو کرتے ہوئے نصرالدین عامر نے کہ کہ غزہ میں جو کچھ ہو رہا ہے، وہ مکمل طور پر ایک نسل کشی ہے۔ دشمن صہیونی بات چیت میں دلچسپی نہیں رکھتا، اس لیے یمن نے فیصلہ کن اقدام کیا۔

انہوں نے واضح کیا کہ ہم بن گوریون ایئرپورٹ کی مکمل بندش تک اپنی کارروائیاں جاری رکھیں گے۔ ہم نے عالمی فضائی کمپنیوں کو خبردار کیا ہے کہ یہ ایئرپورٹ اب محفوظ نہیں، اور ہم کسی نقصان کی ذمہ داری نہیں لیں گے۔

عامر نے مزید کہا کہ جیسے ہم نے بندرگاہ ایلات (ام الرشاش) کو بند کر کے ثابت کیا کہ ہماری دھمکیاں حقیقی ہیں، ویسے ہی بن گوریون بھی بند ہو کر رہے گا۔

انہوں نے کہا کہ اسرائیل اور اس کے اتحادی امریکہ کی طرف سے بمباری کے باوجود یمن نہ جھکا ہے، نہ جھکے گا کہ

ہم پر جتنا بھی بمباری کی گئی، ہم نے تسلیم نہیں کیا اور نہ کریں گے، ہمارا ہوائی محاصرہ ہی موجودہ حالات میں سب سے مؤثر راستہ ہے۔

مزید پڑھیں: یمن کی مزاحمتی کارروائیاں اور صیہونیوں کی بے بسی

آخر میں نصرالدین عامر نے کہا کہ صہیونی ریاست نسل کشی جیسے جرائم کی مرتکب ہو رہی ہے اور اس کا احتساب لازم ہے۔ وہ ہمیں مٹانے کی بات کرتے ہیں، لیکن یہ ہمیں کبھی روک نہیں سکا۔ ہم حق پر ہیں اور وہ زوال پذیر۔