امریکہ کا ایران پر حملہ؛کمزور اسرائیل کی پشت پناہی یا سفارتکاری کا خاتمہ؟

سچ خبریں:ایران کے ایٹمی مراکز پر امریکی حملہ، ایران کے میزائل حملوں سے اسرائیل کی ناکامی کے بعد ایک سیاسی اور نمائشی اقدام کے طور پر دیکھا جا رہا ہے، ماہرین کا کہنا ہے کہ یہ کارروائی بین الاقوامی قوانین کی کھلی خلاف ورزی ہے۔

ایران کی جانب سے اسرائیل پر تباہ کن میزائل حملوں کے بعد جب صہیونی دفاعی نظام کی کمزوری دنیا پر عیاں ہو گئی، تو امریکہ کی جانب سے اچانک ایک غیر متوقع حملہ سامنے آیا، جس میں صدر ڈونلڈ ٹرمپ نے دعویٰ کیا کہ امریکی جنگندوں نے ایران کے نطنز، اصفہان اور فردو میں تین جوہری تنصیبات کو کامیابی سے نشانہ بنایا ہے۔

یہ بھی پڑھیں:امریکہ کا جنگ میں داخل ہونا ایران کے لیے خطرہ ہے یا موقع؟

ٹرمپ نے ایک بار پھر خودساختہ اخلاقی برتری اور امن کی دعوت کے دعووں کے ساتھ ایران سے کہا کہ اب وہ تسلیم کرے اور صلح اختیار کرے۔

لیکن حقیقت یہ ہے کہ چند روز قبل ٹرمپ خود ہی دو ہفتے کی مہلت دینے کی بات کر چکے تھے تاکہ ایران کے ساتھ سفارتی راہ باقی رہے۔ اس حملے نے اس دعوے کی قلعی کھول دی اور ظاہر کر دیا کہ واشنگٹن کی دیپلومیسی محض ایک فریب تھی۔

 ایران کے میزائل حملوں کے بعد اسرائیلی پوزیشن کمزور ہو چکی تھی، اور امریکہ پر دباؤ تھا کہ فوری عسکری مداخلت کرے۔

 ایران کے بعض حلقوں نے یہاں تک کہا کہ:

   یہ تینوں جوہری مراکز حملے سے پہلے خالی کرا لیے گئے تھے۔

ایران کی ایٹمی توانائی تنظیم نے بیان جاری کرتے ہوئے کہا کہ یہ حملہ بین الاقوامی قوانین، بالخصوص NPT (عدم پھیلاؤ معاہدہ) کی کھلی خلاف ورزی ہے، جو بدقسمتی سے آئی اے ای اے کی خاموشی اور بعض مواقع پر ہمراہی کے باعث ممکن ہوا۔

 متعدد امریکی سیاستدانوں نے اس حملے کو بغیر کنگریس کی منظوری اور آئین کی خلاف ورزی قرار دیا۔

 یہاں تک کہ اوکلاہوما میں عوام نے سڑکوں پر آ کر نعرے لگائے:

 اسکاٹ ریٹر (سابق UN اسلحہ معائنہ کار) نے کہا کہ یہ حملہ محض سیاسی عزت بچانے کی کوشش تھی۔ دو مراکز پہلے ہی اسرائیل کے نشانے پر آ چکے تھے، اور فردو ایک انتہائی مستحکم مقام ہے  اس پر اثر ڈالنا ممکن نہیں۔

مزید پڑھیں:امریکہ اسرائیلی جارحیت میں شریک ہے، جس مقام سے حملہ ہوگا اسی جگہ جواب دیں گے، ایرانی سفیر

ایران کی جانب سے سرکاری سطح پر جواب ابھی سامنے نہیں آیا، لیکن یہ واضح ہے کہ یہ حملہ طاقت کا مظاہرہ نہیں بلکہ ایک بےبس اتحادی کی مدد تھی ایک ایسی کارروائی جو نہ قانونی جواز رکھتی ہے، نہ فوجی فائدہ۔