دنیا

ٹرمپ کا ایران کے ساتھ براہ راست اور خفیہ مذاکرات کا منصوبہ؛سعودی چینل کا دعویٰ

17
فروری

?️ 17 فروری 2025

سچ خبریں:سعودی عرب کے چینل الحدث نے ایک یورپی ذریعے کے حوالے سے دعویٰ کیا ہے کہ امریکی صدر ایران کے ساتھ براہ راست اور خفیہ مذاکرات کرنے کی کوشش کر رہے ہیں۔

یہ بھی پڑھیں: میری صرف ایک خواہش ہے: ایران کے پاس جوہری ہتھیار نہیں ہونے چاہئیں: ٹرمپ

سعودی عرب کے الحدث چینل کی رپورٹ کے مطابق، ایک یورپی ذریعے نے کہا ہے کہ امریکی صدر ڈونلڈ ٹرمپ ایران کے جوہری مسئلے پر تہران کے ساتھ براہ راست اور خفیہ مذاکرات کرنے کے خواہشمند ہیں۔

رپورٹ کے مطابق، ٹرمپ کا مقصد یہ ہے کہ اکتوبر 2025 تک، جو ایران کے ساتھ ہونے والے ایٹمی معاہدے کی میعاد ختم ہونے کی تاریخ ہے، اس ملک کے ساتھ جوہری مسئلے پر ایک نئے معاہدے پر پہنچا جائے۔

قابل ذکر ہے کہ 2015 میں ایران، امریکہ اور یورپی ممالک کے درمیان ایٹمی معاہدہ طے پایا تھا لیکن ٹرمپ نے 2018 میں یکطرفہ طور پر اس معاہدے سے دستبرداری اختیار کر لی تھی۔

یورپی ذریعے نے مزید کہا کہ اگر امریکہ میں کوئی حکومت ایران کے ساتھ معاہدے تک پہنچنے کی صلاحیت رکھتی ہے، تو وہ یقینی طور پر ڈونلڈ ٹرمپ کی حکومت ہی ہے۔

ان کا کہنا تھا کہ ٹرمپ نہ صرف جوہری مسئلے بلکہ دیگر معاملات کو بھی ایران کے ساتھ ممکنہ نئے معاہدے میں شامل کرنے کا ارادہ رکھتے ہیں۔

Short Link

Copied