بعلبک کے تاریخی ورثے کو صیہونی حکومت سے شدید خطرہ

🗓️ 9 نومبر 2024

سچ خبریں:بعلبک کے گورنر نے صیہونی حکومت کے وسیع حملوں پر شدید تشویش کا اظہار کرتے ہوئے بعلبک کے تاریخی قلعے کو سنگین خطرات کا سامنا ہے۔

النشرہ نیوز ایجنسی کی رپورٹ کے مطابق لبنان کے شہر بعلبک کے گورنر بشیر خضر نے اس شہر کے تاریخی قلعے کی تحفظ کے لیے خطرے کی گھنٹی بجا دی ہے۔

یہ بھی پڑھیں: اسرائیل کے حملوں میں لبنان کی قدیم اور تاریخی آثار تباہ

انہوں نے مزید کہا کہ بعلبک کا تاریخی قلعہ آج سنگین خطرے میں ہے، حالانکہ اس قلعے کو تحفظ فراہم کرنے کے لیے کئی سفارتی کوششیں کی گئی ہیں تاکہ ان قدیم مقامات کو صیہونی حملوں سے محفوظ رکھا جا سکے۔

گورنر بعلبک نے بتایا کہ الہرمل پر پچاس سے زائد حملے کیے گئے ہیں اور اندازے کے مطابق علاقے کے ستر فیصد رہائشی محفوظ مقامات کی طرف منتقل ہو چکے ہیں۔

مزید پڑھیں: صہیونی ریاست کا بعلبک پر وحشیانہ حملہ، 30 شہید

یاد رہے کہ پہلے خبروں میں بتایا گیا تھا کہ قابض حکومت کے فضائی حملے میں عثمانی دور کی ایک عمارت، جو بعلبک کے معابد کے قریب مشرقی لبنان میں واقع ہے اور اقوام متحدہ کی یونیسکو عالمی ورثہ کی فہرست میں شامل ہے، تباہ ہو گئی ہے۔