شام میں موجود خطرناک ٹائم بم؛عراقی پارلیمنٹ رکن کی زبانی

?️ 13 جنوری 2025

سچ خبریں:عراقی پارلیمنٹ کے رکن نے بغداد کی جانب سے شام کو اہم پیغام دیتے ہوئے کہا کہ دمشق میں ایک خطرناک ٹائم بم موجود ہے۔

المعلومہ نیوز ایجنسی کی رپورٹ کے مطابق، عراقی پارلیمنٹ کے رکن عامر الفایز نے بتایا کہ شام کے الهول کیمپ میں اس وقت 30000 افراد موجود ہیں، جن میں سے زیادہ تر داعش کے جنگجو ہیں۔

یہ بھی پڑھیں: تمام ممالک اپنے شہرکے داعشیوں کے کو واپس لیں: عراقی وزیر خارجہ

انہوں نے کہا کہ یہ افراد 50 مختلف ممالک کی شہریت رکھتے ہیں اور یہ کیمپ ایک ٹائم بم کی مانند ہے، جو نہ صرف شام بلکہ پورے خطے اور دنیا کے لیے خطرہ ہے۔

الفایز نے مزید وضاحت کی کہ اس کیمپ کے رہائشی، خاص طور پر نوجوان، کئی سالوں سے داعش کے دہشت گرد نظریات کی تربیت حاصل کر رہے ہیں۔

شام کے حالیہ حالات کے بعد، عراقی حکام نے دمشق کو ایک اہم پیغام بھیجا ہے، جس میں الهول کیمپ کے مسئلے کے حل کی ضرورت پر زور دیا گیا ہے، بغداد کے نزدیک اس مسئلے کا حل اولین ترجیح ہے۔

انہوں نے کہا کہ بغداد الهول کیمپ کو ختم کرنے اور اس کے رہائشیوں کو ان کے اپنے ممالک واپس بھیجنے کے معاملے میں سنجیدہ ہے۔ یہ ناقابل قبول ہے کہ ہمارے نزدیک میں ایک کیمپ ہو جہاں ہزاروں شدت پسند موجود ہوں۔

مزید پڑھیں: شام میں داعشیوں کے بارے میں عراقی حکام کا ظہار خیال

قابل ذکر ہے کہ الهول کیمپ کئی سال قبل شام میں امریکہ کی جانب سے داعش کے عناصر کو جمع کرنے کے لیے قائم کیا گیا تھا۔