ذلیل کرنے کا بہت بہت شکریہ: زلنسکی کا امریکہ سے خطاب

سچ خبریں:یوکرینی صدر ولودیمیر زلنسکی نے چند روز قبل وائٹ ہاؤس میں تحقیر ہونے اور ناشکری کے طعنے سننے کے بعد ایک ویڈیو پیغام میں امریکی حمایت پر باضابطہ شکریہ ادا کیا ہے۔

روئٹرز نیوز ایجنسی کی رپورٹ کے مطابق، یوکرین کے صدر ولودیمیر زلنسکی نے ایک ویڈیو پیغام میں امریکہ کی حمایت پر باضابطہ شکریہ ادا کیا، حالانکہ چند روز قبل وائٹ ہاؤس میں ان کی ڈونلڈ ٹرمپ کے ساتھ تلخ کلامی ہوئی تھی اور انہیں ناشکری کے طعنے دیے گئے تھے۔

یہ بھی پڑھیں: وائٹ ہاؤس میں زلنسکی کی تحقیر؛ یوکرین جنگ کا مستقبل کس سمت جا رہا ہے؟ 

اپنے پیغام میں زلنسکی نے کہا کہ ایسا کوئی دن نہیں گزرا جب ہم نے امریکہ کی شکرگزاری نہ کی ہو،زلنسکی نے لندن میں روس-یوکرین جنگ کے حوالے سے ہونے والی ایک میٹنگ میں کہا کہ یوکرین کی مزاحمت اس پر منحصر ہے کہ ہمارے اتحادی ہمارے لیے کیا کرتے ہیں،ہماری بقا اور مزاحمت صرف ہماری نہیں بلکہ خود ان کی سلامتی کے لیے بھی اہم ہے۔

مزید پڑھیں: زلنسکی کی تحقیر سے سبق سیکھو؛انصاراللہ کا سعودی حکام سے خطاب

 یہ بیان ایسے وقت میں آیا ہے جب امریکہ میں یوکرین کو مزید فوجی امداد دینے پر شدید اختلافات پائے جاتے ہیں اور زلنسکی کی حالیہ تلخ ملاقات کے باوجود ان کے شکریے کو ایک سیاسی چال بھی قرار دیا جا رہا ہے۔