صہیونی پولیس میں جنسی اسکینڈل بے نقاب، اہلکار پر ساتھی خاتون اہلکار سے زیادتی کا الزام

?️ 7 جون 2026

سچ خبریں:صہیونی ذرائع ابلاغ کا کہنا ہے کہ صہیونی پولیس کے ایک اہلکار نے گزشتہ اتوار کے روز اپنی ساتھی پولیس اہلکار کو اپنے فلیٹ کے اندر قید کر لیا اور اس کے ساتھ زیادتی کی۔

صہیونی ذرائع ابلاغ نے صہیونی پولیس میں ایک نئے جنسی اسکینڈل کا انکشاف کیا ہے، عدالتی حکام نے تحقیقات شروع کر دی ہیں جبکہ ایک پولیس اہلکار پر اپنی ساتھی اہلکار کو قید کرکے زیادتی کرنے کا الزام عائد کیا گیا ہے۔

صیہونی اخبار یدیعوت احرونٹ نے انکشاف کیا ہے کہ صہیونی حکومت کے عدالتی ادارے نے اس حکومت کی پولیس فورس میں پیش آنے والے ایک جنسی اسکینڈل کی تحقیقات کا آغاز کر دیا ہے۔

یہ مقبوضہ سرزمین میں جنسی اسکینڈل کا پہلا واقعہ نہیں ہے، کیونکہ اس سے قبل بھی امریکہ کی ریاست نیواڈا کے حکام نے صہیونی حکومت کی کابینہ کے شعبۂ معلومات اور مصنوعی ذہانت کے سربراہ ٹام آرتیوم کو، جو صہیونی وزیر اعظم بنیامین نیتن یاہو کے قریبی افراد میں شمار ہوتا ہے، ایک امریکی بچے کو انٹرنیٹ کے ذریعے دھوکہ دینے اور ریاست لاس ویگاس میں اس کے ساتھ زیادتی کرنے کے الزام میں گرفتار کیا تھا۔

اسی طرح صہیونی حکومت کے چینل ۱۲ کی جانب سے شائع کی گئی ایک وسیع تحقیق سے یہ بات سامنے آئی تھی کہ اس حکومت کے معروف یہودی مذہبی پیشوا حاییم یوسف ڈیوڈ نے متعدد صیہونی خواتین کو جنسی ہراسانی اور زیادتی کا نشانہ بنایا۔

اس معروف مذہبی پیشوا کی متاثرہ خواتین نے بتایا کہ وہ اپنی زندگی بہتر بنانے کے لیے مشورہ اور رہنمائی حاصل کرنے کی غرض سے اس کے پاس جاتی تھیں، لیکن وہاں انہیں جنسی ہراسانی اور زیادتی کا سامنا کرنا پڑتا تھا۔