قتل عام میں شریک بھی اور مگرمچھ کے آنسو بھی؛امریکہ کی عجیب منافقت

8 اکتوبر 2024

سچ خبریں: امریکی نائب صدر کملا ہیرس نے قابض اسرائیلی فوجیوں کی جانب سے فلسطینی عوام کے خلاف مظالم کا سلسلہ شروع ہونے کے ایک سال بعد آج ایک بیان میں کہا کہ میں غزہ میں گزشتہ سال ہونے والی ہلاکتوں اور تباہی پر شدید افسوس کا اظہار کرتی ہوں۔

الجزیرہ نیوز چینل کی رپورٹ کے مطابق امریکی نائب صدر کملا ہیرس نے واشنگٹن کی طرف سے اسرائیل کی مکمل حمایت کے باوجود، سفارتی حل کو واحد راستہ قرار دیتے ہوئے کہا کہ اسرائیل اور لبنان کی سرحد پر پائیدار امن کے لیے سفارتی راہ حل تلاش کرنا ضروری ہے۔

یہ بھی پڑھیں: صیہونی جنگی جرائم میں کون سے ممالک شامل ہیں؟ ترک صدر کی زبانی

انہوں نے مزید دعویٰ کیا کہ اب وقت آگیا ہے کہ حماس کے قبضے میں موجود قیدیوں کی رہائی کے مسئلے پر اتفاق رائے پیدا کیا جائے اور بے گناہ عوام کے مصائب کو ختم کرنے کے لیے جنگ بندی کی جائے۔

کمالا ہیرس نے زور دے کر کہا کہ مجھے ہمیشہ اس بات کو یقینی بنانا ہوگا کہ اسرائیل کو اپنے دفاع (!) کے لیے ایران اور اس کے اتحادیوں کے خلاف جو کچھ درکار ہے، وہ ملے۔

مزید پڑھیں: امریکہ کی حمایت سے خطے میں اسرائیل کی بربریت کا سلسلہ جاری

انہوں نے کہا کہ اسرائیل کی سلامتی کے ساتھ میری وابستگی ناقابل شکست ہے اور حماس کے خطرے کو ختم کرنے کے لیے ہر ممکن کوشش کروں گی۔