جنوبی شام میں صیہونی فوج کی نئی سرگرمیاں، قنیطرہ میں گشت اور شہریوں کی نقل و حرکت محدود

?️ 17 مئی 2026

سچ خبریں:شامی ذرائع کے مطابق صیہونی فوج نے جنوبی شام کے علاقے قنیطرہ میں نئی عسکری سرگرمیاں شروع کر دی ہیں اور مقامی چرواہوں کو اپنی زمینوں تک رسائی سے روک دیا ہے۔

شامی ذرائع نے ملک کے جنوبی علاقوں میں صیہونی فوج کی نئی سرگرمیوں کی اطلاع دی ہے۔

الاخباریہ کے حوالے سے شامی میڈیا نے رپورٹ کیا ہے کہ صہیونی حکومت نے ایک بار پھر جنوبی شام میں جارحانہ کارروائی کی ہے۔

شامی ذرائع کے مطابق صیہونی فوجی گشت القنیطرہ کے علاقے میں واقع الصبح روڈ سے مزرعہ الفتیان تک داخل ہوئی ہے۔

ان ذرائع نے بتایا کہ صیہونی فوجیوں نے شامی چرواہوں کو اپنی زمینوں تک پہنچنے کی اجازت نہیں دی۔

واضح رہے کہ صہیونی حکومت جنوبی شام میں دراندازی اور شہریوں کے خلاف اقدامات کے ذریعے اس ملک کے خلاف اپنی جارحیت اور 1974 کے معاہدے کی خلاف ورزیوں کو مسلسل جاری رکھے ہوئے ہے۔

یہ صورتحال ایسے وقت میں سامنے آئی ہے جب شام متعدد بار اپنی سرزمین سے صیہونی فوجیوں کے انخلا کا مطالبہ کر چکا ہے۔