صیہونی انفراسٹرکچر پر بڑے پیمانے پر سائبر حملے

?️ 18 ستمبر 2024

سچ خبریں: عراق سے اسرائیلی ویب سائٹس، اداروں، اور انفراسٹرکچر پر بڑے پیمانے پر سائبر حملے کی اطلاعات سامنے آئی ہیں۔

بدھ کی صبح درجنوں اسرائیلی کمپنیوں، مقامی کونسلوں، اور خبری ویب سائٹس کو سائبر حملے کا نشانہ بنایا گیا، اور یہ حملے تاحال جاری ہیں۔

یہ بھی پڑھیں: 7 اکتوبر سے صہیونی فوج پر ہونے والے سائبر حملے

رپورٹس کے مطابق، عبری ویب سائٹ واللا پر حملے کے باعث اسے کچھ وقت کے لیے آف لائن کر دیا گیا تھا۔

سائبر حملے کا نشانہ بننے والی دیگر ویب سائٹس میں بئر السبع، نتانیا، ریشون لتسیون، طبریا، بسمہ طبعون، بدة یانوح-جت، یروحام، دالیة الکرمل، افرات، حوره، غدیرا، المغار، زخرون یعقوب، کفار سابا اور کریات شمونا کی میونسپل کونسلوں کی ویب سائٹس شامل ہیں، جن سے کچھ معلومات بھی چرا لی گئی ہیں۔

مالیاتی امور، قانونی معاملات اور پے رول کی خدمات فراہم کرنے والی کمپنی حاییم بافاریہ بھی سائبر حملے کا شکار ہوئی ہے۔

اس کے ساتھ ہی حیفا ایئرلائن کی ویب سائٹ، اسرائیلی نیشنل انشورنس انسٹی ٹیوٹ، بس ریزرویشن کی ویب سائٹ، اور ناصرت کے ایتالیایی اسپتال کی ویب سائٹ بھی اس حملے کا نشانہ بنیں۔

عراقی سائبر گروپ نیو سائبر نے اس حملے کی ذمہ داری قبول کی ہے، یہ وسیع پیمانے پر سائبر حملہ اس وقت سامنے آیا ہے جب گزشتہ روز اسرائیل نے جنوبی لبنان میں حزب اللہ کے مجاہدین کے پیجر نیٹ ورک کو سب سے بڑے دہشت گردانہ انٹیلیجنس آپریشن کے تحت تباہ کیا تھا۔

مزید پڑھیں: سائبر حملے کے بعد ہزاروں صیہونیوں کی ذاتی معلومات کا انکشاف

اس دہشت گردانہ کارروائی میں اب تک 13 افراد شہید اور 2800 زخمی ہو چکے ہیں، جن میں سے بعض کی حالت نازک بتائی جا رہی ہے۔