اسرائیل کا غزہ کے وسطی علاقے میں زمینی جارحیت کا آغاز  

سچ خبریں:صیہونی فوج نے اعلان کیا ہے کہ اس نے غزہ پٹی کے مرکزی علاقے میں زمینی حملے کا آغاز کر دیا ہے۔  

المنار نیوز چینل کی رپورٹ کے مطابق، اسرائیلی فوج نےغزہ پٹی کے مرکزی علاقے میں زمینی حملے کو محدود کارروائی قرار دیا ہے جس کا مقصد شمالی اور جنوبی غزہ کے درمیان ایک حائل علاقہ قائم کرنا بتایا جا رہا ہے۔

یہ بھی پڑھیں: غزہ پر صیہونی حکومت کے وحشیانہ حملوں پر ریاض اور دوحہ کا ردعمل

اسرائیلی ذرائع ابلاغ نے پہلے ہی اطلاع دی تھی کہ صیہونی افواج نتساریم محور کی جانب بڑھ رہی ہیں، جبکہ ایک صیہونی سیکیورٹی ذرائع نے بھی اس پیش قدمی کی تصدیق کی ہے۔

در ایں اثنا غزہ میں بمباری کا سلسلہ بھی بلا تعطل جاری ہے، بیت لاهیا کے علاقے میں السلاطین چوراہے کے قریب گھروں کو نشانہ بنایا گیا جس کے نتیجے میں متعدد فلسطینی شہید اور زخمی ہو گئے۔

 اس کے علاوہ شہر غزہ کے مشرقی علاقے میں واقع ابوبکر الرازی اسکول کے قریب رہائشی علاقوں پر بھی بمباری کی گئی، جس سے عام شہری متاثر ہوئے۔

مزید پڑھیں: غزہ جنگ کے دوبارہ شروع ہونے پر صہیونی خاندانوں کا خوفناک ردعمل

صیہونی فوج کی یہ تازہ زمینی کارروائی اس وقت سامنے آئی ہے جب بین الاقوامی سطح پر جنگ بندی کے لیے دباؤ بڑھ رہا ہے،غزہ کو شمال اور جنوب میں تقسیم کرنے کی کوششیں فلسطینی مزاحمت کے خلاف ایک نئی فوجی حکمت عملی کے طور پر دیکھی جا رہی ہیں۔