داعش کے نائب سرغنہ کی ہلاکت؛عراقی وزیر اعظم کا اعلان

سچ خبریں:عراق کے وزیر اعظم محمد شیاع السودانی نے اعلان کیا ہے کہ عراقی فورسز نے دہشت گرد تنظیم داعش کے نائب سرغنہ اور اس کے بیرون ملک آپریشنز کے ذمہ دار کمانڈر کو ہلاک کر دیا ہے۔  

یہ بھی پڑھیں: بدنام زمانہ دہشت گرد تنظیم داعش کے سربراہ ابوبکر البغدادی کے اہم ساتھی کو گرفتار کرلیا گیا

الجزیرہ نیوز چینل کی رپورٹ کے مطابق عراق کے وزیر اعظم محمد شیاع السودانی نے کہا کہ داعش کے دوسرے اہم رہنما، جو عراق اور شام میں تنظیم کا گورنر تصور کیا جاتا تھا، کو ایک کامیاب آپریشن میں ہلاک کر دیا گیا ہے۔

انہوں نے مزید کہا کہ عراقی عوام دہشت گرد گروہوں کے خلاف اپنی کامیابیوں کو جاری رکھے ہوئے ہیں، اس کارروائی میں عراق کی نیشنل انٹیلی جنس سروس نے مشترکہ آپریشنل کمانڈ اور بین الاقوامی اتحادی افواج کے تعاون سے حصہ لیا اور داعش کے سینئر رہنما عبداللہ مکی مصلح الرفیعی عرف ابو خدیجہ کو ہلاک کر دیا۔

مزید پڑھیں: 9 ہزار داعشیوں کا شام کی جیلوں میں ہونا خطرے کی گھنٹی:عراقی عہدیدار

عراقی وزیر اعظم نے مزید کہا کہ ابو خدیجہ کو نہ صرف عراق بلکہ دنیا کے سب سے خطرناک دہشت گردوں میں شمار کیا جاتا تھا، اس کی ہلاکت کو عراق اور اس کے عوام کے لیے ایک بڑی سکیورٹی کامیابی قرار دیتے ہوئے، انہوں نے اس کامیابی کو امن کے متلاشی تمام اقوام کے لیے بھی خوش آئند قرار دیا۔