عراق غزہ اور شام کے معاملات پر خاموش نہ رہے:عراقی مزاحمتی سربراہ

سچ خبریں:عراقی مزاحمتی گروپ عصائب اہل الحق کے سربراہ قیس الخزعلی نے عید الفطر کے موقع پر اپنے خطبے میں عالم اسلام کی خاموشی کو شدید تنقید کا نشانہ بناتے ہوئے کہا کہ غزہ میں نسل کشی ہو رہی ہے، لیکن اسلامی دنیا صرف تماشائی بنی ہوئی ہے۔ انہوں نے عراق پر زور دیا کہ وہ شام میں صہیونی اور امریکی منصوبوں کے خلاف عملی اقدامات کرے۔  

یہ بھی پڑھیں:الحشد الشعبی کو تحلیل کرنے کے بارے میں عراقی وزیراعظم کا بیان

 عراقی مزاحمتی گروپ عصائب اہل الحق کے سربراہ قیس الخزعلی نے کہا کہ غزہ کا خون بہایا جا رہا ہے، لیکن صرف مزاحمتی محاذ (ایران، حزب اللہ، حماس، الحشد الشعبی) ہی ردعمل دے رہا ہے۔

انہوں نے شہید سید حسن نصراللہ کے موقف کو سراہتے ہوئے کہا کہ ان کا اخلاقی موقف اہل بیت کے مکتب کی عکاسی کرتا تھا۔

 الخزعلی نے عالم اسلام پر تنقید کرتے ہوئے کہا کہ صہیونیوں کے علاقے پر قبضے کے خواب کو پورا کرنے کے لیے یہ سب سازشیں ہو رہی ہیں۔

 الخزعلی نے خبردار کیا کہ صہیونی ریاست، امریکہ اور ایک عرب ملک شام کو تقسیم کرنے کی سازش کر رہے ہیں، جو عراق کی قومی سلامتی کے لیے براہ راست خطرہ ہے۔

 انہوں نے عراقی حکومت پر زور دیا کہ وہ شام میں ہونے والی تبدیلیوں کے خلاف فعال کردار ادا کرے، کیونکہ یہ عراق کی استحکام کے لیے خطرہ ہے۔

 الخزعلی نے کہا کہ عراق شام کو تقسیم ہونے سے روک سکتا ہے، لیکن اس کے لیے سیاسی عزم چاہیے،الخزعلی نے متنبہ کیا کہ اگر عراق کو اس خطے کی موجودہ جنگ میں کھینچ لیا جاتا ہے، تو حیران نہ ہوں۔

 انہوں نے کہا کہ یہ ایک عقیدتی جنگ ہے، اور دشمن عراق کو اس کشمکش سے باہر نہیں رہنے دے گا۔  انہوں نے ترکی کے ممکنہ خطرات کی طرف بھی اشارہ کیا، جو عراق کی سلامتی کو متاثر کر سکتے ہیں۔

مزید پڑھیں: 9 ہزار داعشیوں کا شام کی جیلوں میں ہونا خطرے کی گھنٹی:عراقی عہدیدار

انہوں نے مزید کہا کہ شام کی تقسیم کا صہیونی امریکی منصوبہ عراق کے لیے خطرہ ہے،عراقی حکومت کو شام اور غزہ کے معاملات میں فعال کردار ادا کرنے کی ضرورت ہے،عراق کے ممکنہ طور پر موجودہ تنازعات میں شامل ہونے کا خطرہ ہے۔