نصف اسرائیلی قیدی ان علاقوں میں ہیں جنہیں اسرائیل خالی کرانا چاہتا ہے:حماس

سچ خبریں:حماس کی عسکری ونگ کتیبة القسام کے ترجمان ابوعبیدہ نے انکشاف کیا ہے کہ زندہ اسرائیلی قیدیوں میں سے نصف ان علاقوں میں موجود ہیں جنہیں اسرائیلی حکومت حالیہ دنوں میں خالی کروانے کا مطالبہ کر رہی ہے۔  

یہ بھی پڑھیں:اسرائیلی قیدیوں کا تابوت 7 اکتوبر کی شکست کی نشانی

الجزیرہ نیوز چینل کی رپورٹ کے مطابق حماس کی عسکری ونگ کتیبة القسام کے ترجمان ابوعبیدہ نے واضح کیا کہ ہم ان قیدیوں کو ان علاقوں سے منتقل نہیں کریں گے،انہیں سخت حفاظتی انتظامات کے تحت رکھا گیا ہے، لیکن یہ انتظامات ان کی جان کے لیے خطرناک ہو سکتے ہیں۔

انہوں نے اسرائیل کو خبردار کیا کہ اگر اسرائیل اپنے قیدیوں کی جان کو لے کر فکر مند ہے تو اسے فوری طور پر مذاکرات کے ذریعے انہیں رہا کرانے کی کوشش کرنی چاہیے۔

ابو عبیدہ نے اسرائیلی وزیر اعظم بنیامین نیتن یاہو کی حکومت کو ان قیدیوں کی جان کا ذمہ دار ٹھہراتے ہوئے کہا کہ اگر اس حکومت کو واقعی اپنے قیدیوں کی فکر ہوتی، تو وہ اس معاہدے پر قائم رہتی جس پر اس نے دستخط کیے تھے۔ اگر ایسا ہوتا تو آج یہ قیدی اپنے گھروں میں ہوتے۔

مزید پڑھیں:ہم تابوت میں نہیں بلکہ زندہ لوٹنا چاہتے ہیں: صہیونی قیدی

کتیبة القسام کے ترجمان نے زور دے کر کہا کہ حماس نے اس معاملے میں اپنی وارننگ دے دی ہے اور اب اسرائیل کو اپنے اقدامات پر غور کرنا چاہیے۔