غزہ کی تعمیرِ نو کے لیے خلیجی ممالک کی انوکھی شرط؛ صیہونی میڈیا کا انکشاف

?️ 19 اکتوبر 2025

سچ خبریں:صیہونی میڈیا نے انکشاف کیا ہے سعودی عرب، بحرین اور متحدہ عرب امارات نے امریکہ کو خبردار کیا ہے کہ اگر حماس کو غیرمسلح نہ کیا گیا تو وہ غزہ کی تعمیرِ نو میں حصہ نہیں لیں گے، تینوں ممالک نے اپنی مالی امداد کو حماس کے غیر مسلح ہونے سے مشروط کر دیا ہے۔

قدس الاخباریہ خبر رساں ادارے کی رپورٹ کے مطابق صیہونی اخبار اسرائیل ہیوم نے انکشاف کیا ہے کہ خلیج فارس کے تین ممالک سعودی عرب، بحرین اور متحدہ عرب امارات نے امریکہ کے سامنے غزہ کی تعمیرِ نو کے لیے سخت شرطیں رکھ دی ہیں۔

یہ بھی پڑھیں:حماس کو غیر مسلح کرنے کی بات غیر منطقی ہے، غزہ کے مستقبل کا فیصلہ فلسطینی کریں گے

رپورٹ کے مطابق، اسرائیلی روزنامہ اسرائیل ہیوم نے اپنی رپورٹ میں دعویٰ کیا ہے کہ مذکورہ تین ممالک نے واشنگٹن کو واضح انتباہ دیا ہے کہ اگر امریکہ حماس کو غیر مسلح کرنے سے متعلق معاہدے کی دفعات کو عملی طور پر نافذ نہیں کرتا، تو وہ غزہ کی تعمیرِ نو میں کوئی کردار ادا نہیں کریں گے۔

رپورٹ کے مطابق، سعودی عرب، بحرین اور امارات نے یہ مؤقف اختیار کیا ہے کہ غزہ میں کسی بھی مالی امداد یا تعمیراتی منصوبے کی شرط، حماس کا مکمل غیرمسلح ہونا اور اس گروہ کی امریکی شرائط پر مکمل پابندی ہے۔

مزید پڑھیں:ٹرمپ کا منصوبہ اور نیتن یاہو کی تقریر؛ قبضے کو مضبوط کرنے اور مزاحمت کو ختم کرنے کی سازش

سیاسی تجزیہ کاروں کے مطابق، یہ شرط خلیجی ممالک کے موقف میں امریکی دباؤ اور اسرائیلی مفادات کی جھلک دکھاتی ہے، جو حماس کو کمزور کر کے غزہ کی سیاسی ساخت کو اپنے کنٹرول میں لانے کی کوشش ہے۔