غزہ کو مکمل طور پر تباہ کر دیا جائے گا؛صیہونی وزیر کا اعلان

سچ خبریں:اسرائیلی وزیر خزانہ بزالل اسموتریچ نے دعویٰ کیا ہے کہ غزہ مکمل طور پر ویران کر دیا جائے گا اور اس کے رہائشیوں کو تیسرے ملک منتقل کیا جائے گا،انہوں نے مغربی کنارے پر مکمل قبضے کا عندیہ بھی دیا۔

الجزیرہ نیوز چینل کی روپورٹ کے مطابق صیہونی چینل 12 کو دیے گئے ایک انٹرویو میں صیہونی وزیر خزانہ بزالل اسموتریچ نے دعویٰ کیا کہ اسرائیل کے انتہا پسند وزیر خزانہ بزالل اسموتریچ نے کہا ہے کہ نوارِ غزہ کو مکمل طور پر ویران کر دیا جائے گا اور وہاں کے مکینوں کو ایک تیسرے ملک میں جبری طور پر منتقل کیا جائے گا۔

یہ بھی پڑھیں:صہیونی وزیر: ہم غزہ پر قبضہ کر لیں گے۔ ہم قیدیوں کے تبادلے کے معاہدے سے بھی پیچھے نہیں ہٹیں گے

صیہونی وزیر نے مزید کہا کہ ہم آنے والے چند ماہ میں غزہ میں فتح کا اعلان کریں گے، شہر غزہ مکمل طور پر تباہ کر دیا جائے گا، اور اس کے رہائشیوں کو محور موراگ سے جنوب غزہ تک منتقل کر کے بعد میں کسی تیسرے ملک بھیج دیا جائے گا۔

اسموتریچ نے مزید کہا کہ ہم مغربی کنارے پر اسرائیلی حاکمیت مسلط کریں گے، وہاں نوآبادیات کی تعمیر کی منظوری دی گئی ہے اور ایک ملین اسرائیلی شہریوں کو بسانے کے لیے بجٹ مختص کرنے پر کام جاری ہے۔

انہوں نے اپنے انتہا پسندانہ بیانات میں مزید کہا کہ عربوں کو 7 اکتوبر کے حملے کے جواب میں ایک نئی نکبت کا سامنا کرنا چاہیے۔

یاد رہے کہ فلسطینی عوام 1948 کے واقعات کو نکبت (المناک تباہی) کے طور پر یاد کرتے ہیں، جب لاکھوں فلسطینی بے گھر کر دیے گئے تھے۔ اسموتریچ کا یہ بیان اسی تاریخی زخم کو دوبارہ دہرانے کی کھلی دھمکی ہے۔

مزید پڑھیں:غزہ کو صرف رضاکارانہ نقل مکانی کی مدد فراہم کی جانی چاہیے: صہیونی

ان بیانات نے بین الاقوامی سطح پر شدید تشویش کو جنم دیا ہے، کیونکہ یہ نہ صرف نسل کشی کی طرف اشارہ کرتے ہیں بلکہ فلسطینیوں کو اپنی ہی سرزمین سے جبری بے دخلی کی سازش کا حصہ بھی ظاہر کرتے ہیں۔