عمان کی بندرگاہ الفحل میں دھماکہ، تیل کی لوڈنگ معطل

?️ 5 جون 2026

سچ خبریں:عمان کے دارالحکومت مسقط کے قریب واقع بندرگاہ الفحل میں دھماکے کی اطلاعات سامنے آئی ہیں۔ ذرائع کے مطابق ممکنہ ڈرون حملے کے بعد تیل کی لوڈنگ روک دی گئی جبکہ عمانی حکام کی جانب سے تاحال کوئی سرکاری ردعمل سامنے نہیں آیا۔

خبر رساں ادارے روئٹرز نے سلطنت عمان کی بندرگاہ الفحل میں دھماکے کی اطلاع دیتے ہوئے کہا ہے کہ اس واقعے کے بعد، جس کی ممکنہ وجہ ڈرون حملہ بتائی جا رہی ہے، بندرگاہ میں تیل کی لوڈنگ کا عمل معطل کر دیا گیا ہے۔

روسیہ الیوم کے مطابق، رائٹرز نے دو باخبر ذرائع کے حوالے سے خبر دی ہے کہ سلطنت عمان کے دارالحکومت مسقط کے قریب واقع بندرگاہ الفحل میں دھماکہ ہوا ہے۔

ان ذرائع کے مطابق یہ دھماکہ بندرگاہ الفحل کی آئل ریفائنری میں پیش آیا اور غالب امکان ہے کہ اس کی وجہ ڈرون حملہ ہو۔

روئٹرز کی رپورٹ کے مطابق، جس دھماکے کے باعث عمان کی بندرگاہ الفحل میں تیل کی لوڈنگ روک دی گئی، وہ اس بندرگاہ کی پہلی اور دوسری گھاٹ کے درمیان پیش آیا۔

تاحال یہ واضح نہیں ہو سکا کہ یہ واقعہ کس وقت پیش آیا، جبکہ عمانی حکام نے بھی ابھی تک اس حوالے سے کوئی ردعمل ظاہر نہیں کیا ہے۔

یہ تیل بردار تنصیب عمان سے خام تیل کی برآمد کے اہم ترین مراکز میں شمار ہوتی ہے اور ملک کی توانائی برآمدات میں کلیدی کردار ادا کرتی ہے۔

گزشتہ ہفتے امریکی صدر ڈونلڈ ٹرمپ نے دھمکی دی تھی کہ اگر عمان آبنائے ہرمز پر کنٹرول حاصل کرنے کی کوشش کرے تو اس ملک کو تباہ کر دیا جائے گا۔