صیہونی انتہاپسند وزرا کے ہاتھوں مسجد الاقصی کی بے حرمتی

?️ 28 ستمبر 2026

سچ خبریں:صیہونی وزیر داخلی سلامتی اتمار بن گویر اور وزیر جنگ یسرائیل کاٹز نے ہزاروں صیہونی آبادکاروں کے ہمراہ مسجد الاقصی کے احاطے میں داخل ہوکر مذہبی رسومات ادا کیں۔

ہزاروں صیہونی آبادکاروں کی مسجد الاقصی پر دھاوے کے ساتھ ہی صیہونی داخلی سلامتی کے وزیر نے اس مقدس مقام میں اپنی آمد کی ویڈیو بھی جاری کردی۔

خبر رساں ادارے شہاب کے مطابق، صیہونی حکومت کے داخلی سلامتی کے وزیر اتمار بن گویر نے یہودی تہوار ’’عرش‘‘ کے دوران مسجد الاقصی میں اپنی آمد کی ایک ویڈیو جاری کی۔

یہ کارروائی صیہونی پولیس کی حمایت اور سخت حفاظتی حصار میں انجام دی گئی۔

اسی دوران صیہونی وزیر جنگ یسرائیل کاٹز بھی ہزاروں صیہونی آبادکاروں کے ہمراہ مسجد الاقصی کے احاطے میں داخل ہوئے۔ رپورٹ کے مطابق کاٹز اور آبادکاروں نے بعد ازاں دیوار براق کے صحن میں یہودی مذہبی رسومات ادا کیں۔

قدس گورنری نے اعلان کیا کہ یہودی تہوار ’’عرش‘‘ کے تیسرے روز 1,271 صیہونی آبادکار مسجد الاقصی کے صحنوں میں داخل ہوئے۔

اسی دوران ہزاروں صیہونی آبادکاروں نے مسجد الاقصی کے مغربی حصے میں واقع دیوار براق کے احاطے میں بھی ’’عرش‘‘ کے تیسرے روز مذہبی رسومات ادا کیں۔

ذرائع ابلاغ اور سماجی رابطوں کے پلیٹ فارمز پر جاری ہونے والی تصاویر میں ہزاروں صیہونی آبادکاروں کو مسجد الاقصی میں واقع دیوار براق کے احاطے میں یہودی مذہبی رسومات ادا کرتے ہوئے دیکھا جاسکتا ہے۔