شہید حسن نصراللہ اور شہید صفی الدین کی تشییع جنازے میں رکاوٹیں ڈالنے والے پس پردہ عناصر بے نقاب

?️ 25 فروری 2025

سچ خبریں:لبنانی پارلیمنٹ میں مزاحمتی تحریک کے حامی بلاک کے رکن حسن فضل اللہ نے انکشاف کیا ہے کہ کچھ پس پردہ قوتیں عوام کو سید حسن نصراللہ اور ہاشم صفی الدین کے جنازے میں شرکت سے روکنے کے لیے سرگرم تھیں۔

لبنانی پارلیمنٹ میں مزاحمتی تحریک کے حامی بلاک کے رکن حسن فضل اللہ المیادین ٹی وی سے گفتگو کرتے ہوئے کہا کہ شہداء کی تشییع جنازے کے خلاف ایک مکمل جنگ چھیڑ دی گئی تھی۔

یہ بھی پڑھیں: سید حسن نصر اللہ کے جنازے سے بھی دشمنوں کی صفوں میں خوف و ہراس

انہوں نے کہا کہ غیر ملکی سفارت خانوں نے بعض شخصیات سے رابطہ کر کے انہیں جنازے میں شرکت سے روکنے کی کوشش کی، بعض نامعلوم عناصر نے لوگوں کو سیکورٹی خطرات اور خوف و ہراس پھیلانے کے ذریعے دھمکایا تاکہ وہ جنازے میں شریک نہ ہوں۔

فضل اللہ نے زور دیا کہ ان تمام رکاوٹوں کے باوجود، عوام کی بھرپور شرکت نے ان کی مزاحمت سے محبت، اخلاص اور وفاداری کو ثابت کر دیا۔

مزید پڑھیں: شہید حسن نصراللہ کی تشییع جنازہ پر صیہونی جنگی طیاروں کی پرواز؛لبنانیوں کے عزم پر صیہونی اخبار کی حیرت

انہوں نے کہا تشییع جنازے میں شرکت کرنے والے افراد کا تعلق مختلف طبقات اور دنیا کے مختلف خطوں سے تھا، جو ایک بار پھر عوامی حمایت میں مزاحمت کی مضبوط حیثیت کو ظاہر کرتا ہے۔