55 فیصد صیہونی ایران کے ساتھ نئی جنگ سے خوف زدہ: صیہونی اخبار

?️ 5 ستمبر 2026

سچ خبریں:صیہونی اخبار معاریو کے تازہ سروے کے مطابق 55 فیصد صیہونی مقبوضہ فلسطین میں ایران کے ساتھ مستقبل قریب میں دوبارہ جنگ شروع ہونے کے خدشے سے خوف زدہ ہیں۔

ایک صیہونی اخبار نے اعتراف کیا ہے کہ مقبوضہ فلسطین کے نصف سے زیادہ باشندے ایران کے ساتھ دوبارہ جنگ شروع ہونے کے خدشے سے خوف زدہ ہیں۔

عبرانی زبان کے اخبار معاریو نے اپنے تازہ ترین سروے میں بتایا ہے کہ 55 فیصد صیہونیوں کو مستقبل قریب میں صہیونی حکومت اور ایران کے درمیان نئی جنگ شروع ہونے کا خوف ہے۔

دوسری جانب صہیونی حکومت کے تزویراتی حلقوں کا دعویٰ ہے کہ ایران بیک وقت کئی محاذوں پر بڑے اور مربوط حملے کی تیاری کرسکتا ہے۔ ان حلقوں کے مطابق اس ممکنہ منظرنامے کا اچانک پن اور مختلف محاذوں کے درمیان ہم آہنگی 7 اکتوبر کے حملے سے مماثلت رکھ سکتی ہے۔

معاریو نے مزید لکھا کہ ان جائزوں کے مطابق تہران ممکنہ طور پر لبنان کی حزب اللہ، حماس، یمن کی انصار اللہ اور عراق میں اپنے اتحادی گروہوں کو صہیونی حکومت کے خلاف ایک مربوط کارروائی میں استعمال کرنے کی کوشش کرسکتا ہے۔

اس اخبار نے مزید کہا کہ اگر صہیونی حکومت کو کسی وجودی خطرے کا سامنا ہوتا ہے تو فوج کو میدان میں اتر کر اس خطرے کے خاتمے کے لیے کارروائی کرنا ہوگی۔