ممبئی (سچ خبریں)بالی ووڈ کی معروف اداکارہ کاجول دیوگن نے اپنی ساس کے لیے سالگرہ کے موقع پر دلچسپ پیغام دیا ہے۔انہوں نے لکھا کہ میں اپنی کے لئے بہت خوش ہوں کیونکہ وہ ہمیشہ میرے ساتھ ہیں یہاں تک کہ کبھی کبھی مجھے محسوس ہوتاہے کہ میری شادی میرے شوہر اجے دیوگن سے نہیں ہوئی بلکہ میری ساس سے ہوئی ہے۔
کاجول دیوگن نے فوٹو اینڈ ویڈیو شیئرنگ ایپ انسٹاگرام پر اپنی ساس وینا دیوگن کے ساتھ ایک تصویر شیئر کرتے ہوئے لکھا کہ’جب آپکی شادی ہوتی ہے تو وہ صرف ایک مرد سے نہیں بلکہ اس کے پورے خاندان سے ہوتی ہے‘۔
اُنہوں نے اپنی ساس کی تعریف کرتے ہوئے لکھا کہ’میں ان کے لیے بہت خوش ہوں جو ہمیشہ میرے ساتھ ہوتی ہیں یہاں تک کہ کبھی کبھی لگتا ہے کہ میری شادی شوہر اجے دیوگن سے زیادہ ساس کے ساتھ ہوئی ہے‘۔
اداکارہ نے اپنی ساس کو سالگرہ کی مبارکباد دیتے ہوئے لکھا کہ’ایک انتہائی شاندار خاتون وینا دیوگن کو سالگرہ مبارک ہو‘۔خیال رہے کہ اداکار اجے دیوگن کی والدہ وینا دیوگن بھارتی فلمساز ہیں جو کہ 19 فروری 1948 کو پیدا ہوئیں اور گزشتہ روز اُن کی سالگرہ تھی۔
