?️
ملتان: (سچ خبریں) حال ہی میں کرکٹر شعیب ملک سے دوسری شادی کرنے والی اداکارہ ثنا جاوید کو اسٹیڈیم میں ہراسانی کا نشانہ بنانے والے افراد پر اداکارہ کے مداحوں نے سخت تنقید کرتے ہوئے عوام کو جاہل قرار دے دیا۔
شعیب ملک اور ثنا جاوید نے گزشتہ ماہ 28 جنوری کو انسٹاگرام پر تصاویر شئیر کرتے ہوئے شادی کی تصدیق کی تھی۔
دونوں کی یہ دوسری شادی ہے، کرکٹر نے پہلی شادی بھارتی ٹینس اسٹار ثانیہ مرزا سے 2010 میں کی تھی، ان سے انہیں ایک بیٹا اذان بھی ہے جو اس وقت والدہ کے ہمراہ ہے۔
اسی طرح اداکارہ ثنا جاوید نے پہلی شادی گلوکار و اداکار عمیر جسوال سے اکتوبر 2020 میں کی تھی اور 2023 میں ان کے درمیان طلاق ہوگئی تھی۔
شادی کے بعد گزشتہ ہفتے ثنا جاوید شوہر کے ہمراہ پہلی بار ملتان کے ایئرپورٹ پر دکھائی دی تھیں، جہاں وہ پاکستان سپر لیگ (پی ایس ایل) کے میچز میں شوہر کا حوصلہ بڑھانے کے لیے ان کے ساتھ تھیں۔
ثنا جاوید نے ملتان میں شوہر کا میچ بھی دیکھا اور اس دوران شوہر کی اچھی پرفارمنس پر خوش بھی دکھائی دیں اور میچ کے اختتام پر ثنا جاوید کو اسٹیڈیم میں دیکھ کر شائقین نے نعرے لگا کر انہیں ہراساں کیا تھا، جس کی ویڈیوز وائرل ہوگئیں۔
کرکٹ شائقین کی جانب سے ثنا جاوید کو نعرے لگا کر ہراساں کرنے کی ویڈیوز وائرل ہونے کے بعد اداکارہ کے مداحوں اور سوشل میڈیا صارفین نے غصے کا اظہار کرتے ہوئے اداکارہ کو نعروں سے ہراساں کرنے والے افراد کو جاہل اور جانور قرار دیا۔
اداکارہ کی وائرل یونے والی ویڈیوز میں ثنا جاوید کو اسٹیڈیم میں لگنے والے نعروں پر پریشانی کے عالم میں دیکھا جا سکتا ہے جب کہ لوگوں نے انہیں ثانیہ مرزا اور ثنا مرزا کے نعرے لگا کر ہراساں کیا۔
لوگوں کی جانب سے ہراساں کیے جانے کی ثنا جاوید کی ویڈیوز وائرل ہونے کے بعد مداحوں نے ان کی حمایت کرتے ہوئے اداکارہ کو ہراساں کرنے والے افراد کے خلاف کارروائی کا مطالبہ بھی کیا۔
انٹرنیٹ صارفین نے ثنا جاوید کی حمایت کرتے ہوئے لکھا کہ کسی کو کوئی حق نہیں کہ وہ اداکارہ کو یوں عوامی مقام پر ہراساں کرے۔


مشہور خبریں۔
ابو عبیدہ کی الخلیل میں صہیونی مخالف کارروائی کی تحسین
?️ 23 اکتوبر 2026سچ خبریں:حماس کی عسکری ونگ القسام بریگیڈز کے ترجمان ابو عبیدہ نے
اکتوبر
صہیونی کابینہ کے مغربی کنارے سے متعلق حالیہ فیصلے
?️ 9 فروری 2026 سچ خبریں:اسلامی مزاحمتی تحریک حماس نے ایک بیان جاری کرتے ہوئے
فروری
ایران امریکہ جنگ کا ابوظبی اور قاہرہ تعلقات پر اثر
?️ 6 مئی 2026سچ خبریں:ایران اور امریکہ کے درمیان بڑھتی ہوئی کشیدگی کے بعد امارات
مئی
ایران کا مسقط مذاکرات میں فوری پابندیاں ختم کرنے کا مطالبہ :امریکی اخبار
?️ 13 اپریل 2025 سچ خبریں:ایران نے عمان کے دارالحکومت مسقط میں امریکہ کے ساتھ
اپریل
پاکستان کا اقوام متحدہ سے شام میں سیاسی منتقلی کیلئے پابندیاں نرم کرنے کا مطالبہ
?️ 24 اکتوبر 2025 نیویارک: (سچ خبریں) پاکستان نے اقوام متحدہ سے شام کی سیاسی
اکتوبر
امریکی ٹیکنالوجی تل ابیب کی سکیورٹی مشین کے خدمتگار
?️ 1 نومبر 2025 امریکی ٹیکنالوجی تل ابیب کی سکیورٹی مشین کے خدمتگار برطانوی اخبار گارڈین
نومبر
تل ابیب اور واشنگٹن کے تعلقات کشیدہ
?️ 14 مئی 2024سچ خبریں: المیادین نیٹ ورک نے صہیونی میڈیا کے حوالے سے خبر دی
مئی
غزہ جنگ کے خاتمے کے لئے برطانیہ کا منصوبہ
?️ 28 جنوری 2024سچ خبریں:فنانشل ٹائمز نے ہفتے کے روز خبر دی ہے کہ برطانوی
جنوری