بالی ووڈ اداکارہ سوناکشی کی مسلمان لڑکے کے ساتھ شادی پر ان کے والد کا ردعمل

?️ 24 جون 2024

سچ خبریں: بالی ووڈ کے معروف اداکار اور سیاستدان شتروگھن سنہا نے اپنی اکلوتی بیٹی اور اداکارہ سوناکشی سنہا کی مسلمان دوست ظہیر اقبال کے ساتھ شادی پر خوشی کا اظہار کیا ہے۔

سوناکشی سنہا اور ظہیر اقبال کی سول میرج کے بعد ایک بھارتی صحافی نے شتروگھن سنہا سے پوچھا کہ آپ اپنی بیٹی کے اس خاص دن پر کیسا محسوس کر رہے ہیں؟

یہ بھی پڑھیں: مشہور بالی ووڈ اداکارہ کی مسلمان سے شادی ؛اہلخانہ کا ردعمل

اس سوال کے جواب میں شتروگھن سنہا نے کہا کہ یہ بھی کوئی پوچھنے کی بات ہے؟ ہر باپ اس لمحے کا بے صبری سے انتظار کرتا ہے جب اس کی بیٹی صحیح انسان کے ساتھ شادی کر کے رخصت ہو جائے۔ شتروگھن سنہا نے کہا کہ میری بیٹی ظہیر کے ساتھ بہت خوش نظر آتی ہے، میری دعا ہے کہ ان دونوں کی جوڑی ہمیشہ سلامت رہے۔

مزید پڑھیں: سوناکشی سنہا اور ظہیر اقبال کے ولیمے میں بالی ووڈ اسٹارز کی شرکت

سینیئر اداکار نے مزید کہا کہ 44 سال قبل، میں نے اپنی پسند کی ایک کامیاب، خوبصورت اور باصلاحیت لڑکی پونم سنہا سے شادی کی تھی، اب سوناکشی کی باری تھی کہ وہ اپنی پسند کے لڑکے سے شادی کرے۔

واضح رہے کہ 23 جون، اتوار کے روز سوناکشی سنہا نے اپنے دیرینہ مسلمان دوست اور اداکار ظہیر اقبال کے ساتھ شادی کی۔ اس جوڑے نے چھوٹی سی تقریب میں سول میرج کے کاغذات پر دستخط کر کے اپنی زندگی کے نئے سفر کا آغاز کیا۔

مزید پڑھیں: اسکول میں مذہبی معاملات کو نہیں لے جانا چاہئے: ہیما مالنی

شادی کی تقریب کے بعد سوناکشی سنہا اور ظہیر اقبال نے ممبئی میں اپنے ولیمے کی تقریب کا انعقاد کیا تھا جس میں بالی ووڈ ستاروں نے بھی شرکت کی تھی۔