پاکستانی وزیر خارجہ کی نیٹو سیکرٹری جنرل سے خطے کی سلامتی اور عالمی امور پر گفتگو

?️ 21 نومبر 2025

پاکستانی وزیر خارجہ کی نیٹو سیکرٹری جنرل سے خطے کی سلامتی اور عالمی امور پر گفتگو

 پاکستان کے معاون وزیراعظم اور وزیر خارجہ سینیٹر اسحاق ڈار نے بروکسل میں نیٹو کے سیکرٹری جنرل مارک روٹے سے ملاقات میں خطے کی سلامتی، جنوبی ایشیا کی صورت حال اور عالمی امور پر تفصیلی تبادلہ خیال کیا۔ ملاقات میں دونوں فریقوں نے باہمی تعاون کے موجودہ مواقع کا جائزہ لیا اور امن و سلامتی، دہشت گردی، موسمیاتی تبدیلی اور علاقائی و بین الاقوامی صورتحال پر گفتگو کی۔

نیٹو کے سیکرٹری جنرل نے خطے میں امن و استحکام کے لیے پاکستان کے کردار کو سراہا اور دہشت گردی کے خلاف اس کی کوششوں کا اعتراف کیا۔ اسحاق ڈار نے جنوبی ایشیا میں پائیدار امن کی خواہش کا اظہار کرتے ہوئے کہا کہ پاکستان دہشت گردی کے خلاف بھرپور عزم رکھتا ہے، تاہم یہ خطرہ اب بھی موجود ہے اور زیادہ تر اس کی جڑیں پاکستان کی سرحدوں سے باہر ہیں۔

انہوں نے بتایا کہ حکومت پاکستان اس چیلنج سے نمٹنے کے لیے فعال اقدامات کر رہی ہے۔ وزیر خارجہ اپنے سرکاری دورۂ بروکسل کے دوران یورپی یونین کے دیگر اعلیٰ حکام سے بھی ملاقاتیں کر رہے ہیں۔