جنوبی ایشیاء میں پائیدار امن کا قیام کیسے ہو سکتا ہے؟

?️ 19 اگست 2023

سچ خبریں: تنازعہ کشمیر کو اقوام متحدہ کی متعلقہ قراردادوں اور کشمیری عوام کی خواہشات کے مطابق حل کیے بغیر خطے میں پائیدار امن قائم نہیں ہو سکتا۔

غیر قانونی طور پر بھارت کے زیر قبضہ جموں و کشمیر میں جموں و کشمیر یوتھ سوشل فورم کے چیئرمین مولانا مصعب ندوی نے کہا ہے کہ حل طلب دیرینہ تنازعہ کشمیر پاکستان اور بھارت کے درمیان کشیدگی کی بڑی وجہ ہے۔

یہ بھی پڑھیں: بھارت جموں و کشمیر کی متنازع حیثیت ہرگز تبدیل نہیں کر سکتا، کل جماعتی حریت کانفرنس

مولانا مصعب ندوی نے آ سوپور میں نماز جمعہ کے اجتماع سے خطاب کرتے ہوئے کہا کہ حریت رہنماؤں اور نوجوانوں کی مسلسل غیر قانونی نظربندی کے ذریعے حریت قیادت کے جذبہ حریت کو کمزور نہیں کیا جا سکتا۔

انہوں نے کہا کہ تنازعہ کشمیر کو اقوام متحدہ کی متعلقہ قراردادوں اور کشمیری عوام کی خواہشات کے مطابق حل کیے بغیر خطے میں پائیدار امن قائم نہیں ہو سکتا۔

مزید پڑھیں: عالمی ادارے مقبوضہ جموں و کشمیر میں مصیبت زدہ انسانیت کو بچانے میں مدد کریں

مولانا ندوی نے کہا کہ پاکستان، بھارت اور کشمیریوں کی حقیقی قیادت پر مشتمل متعلقہ فریق کے درمیان مذاکرات کے ذریعے دیرینہ تنازعہ کو خوش اسلوبی سے حل کیا جا سکتا ہے ۔