?️
سرینگر: (سچ خبریں) غیرقانونی طورپر بھارت کے زیر قبضہ جموں وکشمیر میں انجمن اوقاف جامع مسجد سرینگر نے اعلان کیا ہے کہ اسلامی تعلیمات اور روایات کے مطابق عید الفطر کی اجتماعی نماز عیدگاہ سرینگر میں صبح دس بجے ادا کی جائے گی ۔
کشمیرمیڈیاسروس کے مطابق ا نجمن نے سرینگر میں جاری ایک بیان میں کہاکہ نماز عید سے قبل9بجے سے انجمن کے سربراہ اور میر واعظ عمرفاروق اپنے خطبے میں فلسفہ عید اور پیغام عید پر روشنی ڈالیں گے ۔ عوام الناس سے گزارش کی گئی ہے کہ وہ میرواعظ کے خطاب سے استفادہ حاصل کرنے اور اجتماعی نماز میں شامل ہونے کے لئے بروقت عیدگاہ پہنچنے کی کوشش کریں۔
انجمن نے امید ظاہر کی ہے کہ قابض حکام نمازِ عید کی پرامن اورخوش اسلوبی سے ادائیگی میں کسی قسم کی مداخلت یا رکاوٹ نہیں ڈالیں گے اور لوگوں کے مذہبی جذبات اور حقوق کا احترام کریں گے۔ بیان میں کہاگیا کہ شبِ قدر اور جمعة الوداع کے مواقع پر جس طرح نماز کی ادائیگی پر پابندی لگائی گئی تھی ، اس سے عوام میں شدید غم و غصہ پیدا ہوا ہے۔اس طرح کا افسوسناک طرز عمل عید الفطرکے مقدس موقع پر دہرایا نہ جائے۔
دریں اثناء میرواعظ عمر فاروق نے عیدگاہ کی صورتحال اوراس سلسلے میں انتظامات کا جا ئزہ لینے کے لئے آج عیدگاہ سرینگر کا دورہ کیا۔ جائزے کے بعد انہوں نے اطمینان کا اظہار کیا کہ موجودہ خشک موسم کے پیشِ نظر عید کی نمازخوش اسلوبی سے ادا کی جا سکتی ہے۔
انجمن نے جموں و کشمیر وقف بورڈ پر زور دیا ہے کہ اس موقع پر تمام لازمی انتظامات کو یقینی بنایا جائے۔ ساتھ ہی عوام سے گزارش کی گئی ہے کہ عید کی نماز میں بڑی تعداد میں شرکت کرکے ملی اجتماعیت ، وحدت اور نظم و ضبط کا مظاہرہ کریں اورعید کی نماز کیلئے اپنی جائے نماز ساتھ لے کر آئیں۔ خراب موسم کی صورت میں عید الفطر کی نماز جامع مسجد سرینگر میں طے شدہ پروگرام کے مطابق ادا کی جائیگی۔واضح رہے کہ قابض حکومت نے گزشتہ کئی سال سے عیدگاہ سرینگر میں نماز عید کی ادائیگی پر پابندی عائد کررکھی ہے۔


مشہور خبریں۔
شکرِ خدا ایک پیغام بھیجنے میں کامیاب ہو گئے: وزیر خارجہ
?️ 19 دسمبر 2021اسلام آباد(سچ خبریں) وزیر خارجہ شاہ محمود قریشی نے کہا کہ الحمدللہ
دسمبر
صیہونی انٹیلی جنس سروسز پر حزب اللہ کا میزائلی حملہ
?️ 27 جنوری 2024سچ خبریں:حزب اللہ نے اعلان کیا ہے کہ انہوں نے ٹیپے کوبرا
جنوری
بائیڈن کے پورے خاندان پر ٹرمپ کا خوفناک الزام
?️ 14 جون 2023سچ خبریں:امریکہ کے سابق صدر کا کہنا ہے کہ ان کے خلاف
جون
عمران خان کے خلاف اسلام آباد میں درج 2 مقدمات میں 27 مارچ تک حفاظتی ضمانت منظور
?️ 21 مارچ 2023لاہور: (سچ خبریں) لاہور ہائیکورٹ نے سابق وزیر اعظم اور چیئرمین پاکستان
مارچ
اسرائیل میں تعطل کا تسلسل؛ صیہونی نیتن یاہو کے پاگل پن کا شکار
?️ 7 نومبر 2024سچ خبریں: منگل کے روز جب امریکی صدارتی انتخابات جاری تھے، اسرائیلی
نومبر
ایک اور فلسطینی صحافی، صہیونیوں کے ظلم کا شکار
?️ 13 مئی 2025سچ خبریں: اسلامی مزاحمتی تحریک حماس نے ایک بیان جاری کرتے ہوئے
مئی
افغانستان میں اقوام متحدہ کے خصوصی نمائندے کا وقت ختم
?️ 10 جون 2022سچ خبریں: افغانستان کے لیے اقوام متحدہ کے خصوصی نمائندہ ڈیبرا لائنز
جون
متحدہ عرب امارات کی صیہونی کے لیے ایک اور خدمت
?️ 23 مارچ 2021سچ خبریں:صیہونی حکومت اور متحدہ عرب امارات کے مابین تعلقات کو مزید
مارچ