کشمیری اپنی خون کے آخری قطرے تک جدو جہد آزادی جاری رکھیں گے

?️ 29 اگست 2021

سرینگر (سچ خبریں) مقبوضہ کشمیر کے متعدد علاقوں میں پوسٹر چسپاں کیئے گئے ہیں جن میں لکھا گیا ہے کہ کشمیری اپنے خون کے آخری قطرے تک جدو جہد آزادی جاری رکھیں گے۔

تفصیلات کے مطابق مقبوضہ کشمیر میں سرینگر اور دیگر علاقوں میں پوسٹر چسپاں کیے گئے ہیں جن میں کشمیریوں پر زور دیا گیا ہے کہ وہ بھارتی فوجی طاقت سے مرعوب ہوئے بغیر حق پر مبنی اپنی تحریک آزادی کو صبر و استقامت کے ساتھ جاری رکھیں، ساتھ ہی لکھا گیا ہے کہ ہر کشمیری اس جدو جہد آزادی کے لیئے اپنے خون کا آخری قطرہ دینے کے لیئے تیار ہے۔

کشمیر میڈیا سروس کے مطابق پاسباں مشن شہدائے جموں و کشمیر کی طرف سے لگائے جانے والے پوسٹروں میں مزید کیا گہا ہے کہ کامیابی کا واحد زینہ عمل پیہم اور یقین محکم ہے، اللہ پر بھروسہ رکھنے والے دشمن کے ظلم و جبر سے حائف اور مرعو ب نہیں ہوتے، مشکل مراحل میں استقامت اور دشمن سے مرعوب ہوئے بغیر سفر جاری رکھنا حق پرستوں کا شیوہ ہے۔

پوسٹروں میں مزید تحریر ہے کہ افغانستان میں باطل کے خلاف حق پرستوں کی کامیابی نصرت الہی کی تازہ اور واضح نشانی ہے اور حسینیت کو اپناکر حق کا علم بلند کر کے یزیدیت کو ہرانا ہے۔