?️
اسلام آباد: (سچ خبریں) پاکستان نے عدالت کے ذریعے ممتاز کشمیری رہنما محمد یاسین ملک کو سزائے موت دلوانے کی مودی حکومت کے تازہ ترین اقدام پرسخت تشویش کا اظہار کیا ہے۔
کشمیرمیڈیاسروس کے مطابق دفتر خارجہ کی ترجمان ممتاز زہرا بلوچ نے جمعرات کواسلام آباد میں ایک پریس بریفنگ کے دوران کہا کہ گزشتہ سال محمد یاسین ملک کو ایک متنازعہ مقدمے میں عمر قید کی سزا سنائی گئی تھی، ان پر من گھڑت الزامات عائد کئے گئے اور ان کے خلاف جھوٹے مقدمے کی منصفانہ طورپر سماعت نہیں کی گئی۔
انہوں نے کہا کہ کشمیری حریت رہنما کو بگڑتی ہوئی صحت کے باوجود بدنام زمانہ تہاڑ جیل میں غیر انسانی حالات میں رکھا گیا ہے۔انہوں نے کہا کہ محمد یاسین ملک کو اہلخانہ سے ملاقات اور وکلا تک رسائی نہیں دی جارہی ہے اور اس کے ساتھ ساتھ انہیں علاج معالجے کی معیاری سہولت سے بھی محروم رکھا جارہا ہے۔
ترجمان نے کہا کہ بھارت کا تازہ ترین اقدام سیاسی انتقام کی ایک اور مثال ہے جس کا مقصد کشمیری قیادت کو خاموش کرنا اور کشمیری عوام کو ڈرانا ہے۔ انہوں نے کہا کہ یہ اقدام بھارت کے غیر قانونی طور پر زیر تسلط جموں و کشمیر میں بھارت کے نہ ختم ہونے والے اور وسیع جبر کا مظہر ہے جہاں سیاسی رہنمائوں اور انسانی حقوق کے علمبرداروں کو جھوٹے ،من گھڑت اور بے بنیاد الزامات کے تحت قید کیا جاتا ہے۔ترجمان دفتر خارجہ نے کہا کہ ہم بھارتی حکام پر زور دیتے ہیں کہ وہ محمد یاسین ملک کے خلاف جھوٹے مقدمے کو ختم کریں۔ انہوں نے کہا کہ کشمیری رہنما کو علاج معالجے کی معیاری سہولت فراہم کی جانی چاہیے اور انہیں اپنے رشتہ داروں اور اہلخانہ کے ساتھ آزادانہ طور پر رہنے دیا جانا چاہیے۔ترجمان دفتر خارجہ نے پاکستان کے اس مطالبہ کو بھی دہرایا کہ بھارت کو کشمیری قیادت اور انسانی حقوق کے کارکنوں کو بھی فوری اور غیر مشروط طور پر رہا کرنا چاہیے جنہیں بھارت کے غیر قانونی طور پر زیر تسلط جموں و کشمیر اور بھارت کی جیلوں میں بلا جواز قید میں رکھا گیا ہے۔
مشہور خبریں۔
امریکی نمائندے کا اسرائیلی جارحیت کی حمایت کرتے ہوئے سفارتی حل پر زور
?️ 14 جون 2025سچ خبریں: امریکہ کے نمائندے نے اقوام متحدہ کی سلامتی کونسل کے
جون
ترکی میں احمد الشرع کے امریکی نمائندے کے ساتھ مذاکرات کی تفصیلات
?️ 25 مئی 2025سچ خبریں: سوریہ کے صدارتی دفتر نے ایک بیان جاری کرتے ہوئے
مئی
سید حسن نصرالله کی تدفین کے بارے میں مغربی میڈیا کے دعوے مسترد
?️ 5 اکتوبر 2024سچ خبریں: مغربی ذرائع ابلاغ نے حزب الله کے سکریٹری جنرل شہید
اکتوبر
صیہونی حکومت کی فوج میں جنسی حملوں میں نمایاں اضافہ
?️ 2 جولائی 2022سچ خبریں: جمعہ کے روز صہیونی میڈیا کی رپورٹ کے مطابق صہیونی
جولائی
افغانستان کے حالات پر گہری نظر ہے: فواد چوہدری
?️ 28 اگست 2021اسلام آباد(سچ خبریں) وفاقی وزیر اطلاعات فواد چوہدری کا کہنا ہے کہ
اگست
کیا صیہونی ریاست میں ایک اور طوفان آنے والا ہے؟ ممتاز عربی اخباروں کی سرخی
?️ 29 اکتوبر 2024سچ خبریں:مقبوضہ علاقوں میں ہونے والا حالیہ فدائی حملہ اور اسرائیل کی
اکتوبر
شمالی غزہ میں صہیونیوں کے مجرمانہ منصوبے کا انکشاف
?️ 16 نومبر 2024سچ خبریں: شمالی غزہ کی پٹی کے خلاف صیہونی حکومت کے وحشیانہ
نومبر
Indonesia Urges Olympic Council of Asia to Promote 2018 Asian Games
?️ 9 اگست 2022Dropcap the popularization of the “ideal measure” has led to advice such
اگست