مقبوضہ جموں وکشمیر: مزید دو کشمیریوں کی جائیدادیں ضبط ، پانچ کشمیری نوجوان گرفتار

?️

سرینگر: (سچ خبریں) بھارتیہ جنتاپارٹی کی زیر قیادت بھارتی حکومت نے کشمیریوں کو ان کی املاک سے محروم کرنے کے اپنے نوآبادیاتی ایجنڈے کو جاری رکھتے ہو ضلع شوپیاں میں مزید دو کشمیریوں کی کروڑوں روپے مالیت کی جائیدادیں ضبط کر لی ہیں۔
کشمیر میڈیا سروس کے مطابق بھارتی پولیس نے بدنام زمانہ تحقیقاتی ایجنسیوں کے اہلکاروں کے ساتھ مل کر عادل حسین اور محمد یعقوب کی کئی کنال پر مشتمل اراضی اور دکانیں ضبط کر لیں۔
مودی حکومت کسی نہ کسی بہانے کشمیریوں کی جائیدادوں کو ضبط کر رہی ہے۔ بھارتی انتظامیہ اب تک مقبوضہ علاقے میں سینکڑوں املاک ضبط کر چکی ہے جس کا مقصد کشمیریوں کا معاشی طور پر گلا گھونٹنا اور انہیں خود ارادیت کی جاری تحریک کی حمایت ترک کرنے پر مجبور کرنا ہے۔
بھارتی پولیس نے سری نگر ، پلوامہ اور بارہمولہ اضلاع کے مختلف علاقوں سے شیخ مقدس، جنید حسین، افلح میر اور نوید میر سمیت پانچ کشمیری نوجوان گرفتارکر لیے۔
دریں اثنا کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں ایک بیان میں مقبوضہ علاقے میں چھاپوں، محاصرے اور تلاشی کی کارروائیوں، بلا جواز گرفتاریوں، جائیدادوں پر قبضے اور دیگر مظالم کی شدید مذمت کرتے ہوئے کہا کہ بھارت کشمیریوں کی جائز سیاسی آوازوں کو دبانے کیلئے وحشیانہ ہتھکنڈے استعمال کر رہا ہے جسکا انسانی حقوق کی عالمی تنظیموں کو نوٹس لینا چاہیے۔ انہوں نے عالمی برادری سے مطالبہ کیا کہ وہ جنوبی ایشیا میں پائیدار امن و سلامتی کو یقینی بنانے کیلئے تنازعہ کشمیر کو اقوام متحدہ کی سلامتی کونسل کی قراردادوں اور کشمیریوں کی خواہشات کے مطابق حل کرانے کیلئے کردار ادا کرے۔
ادھر بھارتی پولیس نے شخصی آزادی کی خلاف ورزی کرتے ہوئے بارہمولہ اور اسلام آباد اضلاع میںدو اور کشمیریوں کیساتھ گلوبل پوزیشننگ سسٹم (جی پی ایس) نصب کر دیا ہے۔ قبل ازیں سرینگر کے رہائشی65سالہ غلام محمد بٹ کے ساتھ بھی نومبر 2023میں جی پی ایس سٹم لگا دیا گیا تھا۔ان تینوںکو کالے قوانین کے تحت مقدمات کا سامنا ہے اور عدالت نے انہیں ضمانت پر رہا کر رکھا ہے۔ان کی سرگرمیوں پر نظر رکھنے کیلئے ان کے ساتھ ٹریکنگ سٹم لگا دیا گیا ہے۔
انسانی حقوق کے کارکنوں نے شہریوں کے ساتھ ٹریکر سسٹم نصب کرنے کے بھارتی حکام کے اقدام کی شدید مذمت کرتے ہوئے اسے شخصی آزادی کی سنگین خلاف ورزی قرار دیا ہے۔

مشہور خبریں۔

نتن یاہو کا نسل کشی نیٹ ورک کا واحد مقصد غزہ کی مکمل تباہی ہے: ترکی 

?️ 4 اگست 2026سچ خبریں: ترکی کی عدالت و ترقی پارٹی کے نائب صدر اور

یمنی خاتون کی گمشدگی کی کہانی اور سعودی سفیر کی رسوائی

?️ 12 مئی 2022سچ خبریں: اب کئی دنوں سے یمنی میڈیا گذشتہ اپریل سے سعودی

جنوبی لبنان کا شمالی مقبوضہ فلسطین پر حملہ

?️ 25 مئی 2024سچ خبریں: عبرانی زبان کے نیٹ ورکس نے مقبوضہ علاقوں کے شمال کے

26ویں آئینی ترمیم آج پارلیمنٹ میں پیش ہونے جا رہی ہے، مسودہ متفقہ ہے، وزیر قانون

?️ 20 اکتوبر 2024اسلام آباد: (سچ خبریں) وفاقی وزیر قانون  نے کہا ہے کہ 26ویں

اردن سے شیطان سفیر کی بے دخلی اور صیہونی تنہائی میں شدت

?️ 25 مارچ 2023سچ خبریں:حقیقت یہ ہے کہ آج بین الاقوامی نظام پہلے سے کہیں

مقبوضہ کشمیر کے شوپیان اور پلوامہ علاقے میں بھارتی دہشت گردی کے خلاف مکمل ہڑتال، تمام کاروباری مراکز بند رہے

?️ 16 مارچ 2021سرینگر (سچ خبریں) مقبوضہ کشمیر میں بھارت کی ریاستی دہشت گردی اور

الشفاء ہسپتال پر اسرائیل کی جارحیت پر مسلسل ردعمل

?️ 19 مارچ 2024سچ خبریں:غزہ شہر کے مغرب میں الشفاء میڈیکل کمپلیکس پر اسرائیلی فوج

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے