گورنر پنجاب سے علما کرام کی ملاقات، محرم الحرام میں امن و امان پر تبادلہ خیال

?️ 2 جولائی 2025

لاہور (سچ خبریں) گورنر پنجاب سردار سلیم حیدر سے مختلف مکاتبِ فکر کے علما کرام کے وفد نے گورنر ہاؤس میں ملاقات کی۔

تفصیلات کے مطابق ملاقات میں محرم الحرام کے دوران امن و امان کے قیام، بین المسالک ہم آہنگی اور مذہبی ہم بستگی کے فروغ پر تفصیلی گفتگو کی گئی۔

ذرائع کے مطابق گورنر پنجاب نے کہا کہ محرم کے دوران امن قائم رکھنے میں تمام مسالک کے علما کا کردار قابلِ قدر ہے، انہوں نے علما سے اپیل کی کہ وہ بھائی چارے اور برداشت کا پیغام عام کریں۔

علما نے کہا کہ آپریشن بنیان مرصوص کی کامیابی سے پاکستان کا عالمی وقار بڑھا ہے، انہوں نے حکومت کے امن اقدامات کو سراہتے ہوئے بھرپور تعاون کی یقین دہانی کرائی۔