پی ٹی آئی رہنماؤں کی ضمانت کی درخواست منظور

?️

اسلام آباد(سچ خبریں)اسلام آباد کی مقامی عدالت نے لانگ مارچ کے دوران تھوڑ پھوڑ کے مقدمات میں پی ٹی آئی رہنماؤں کی ضمانت کی درخواست منظور کرتے ہوئے مقدمات میں شامل تفتیش ہونے کا حکم دے دیا۔

اسلام آباد کی سیشن عدالت کے جج کامران بشارت مفتی کی عدالت میں ملزمان کے وکلا نے عبوری درخواست ضمانت پر بحث کی، اس موقع پر شہریار آفریدی کے وکیل انتظار پنجوتھا نے کہا کہ یہ مقدمہ سیاسی طور پر بنایا گیا ہے، پی ٹی آئی کے رہنما اپنا احتجاج ریکارڈ کرانے آئے تھے۔

انہوں نے کہا کہ احتجاج ہر شہری کا بنیادی حق ہے، آئین اظہار رائے کی آزادی دیتا ہے جبکہ تھانہ کوہسار میں درج مقدمات میں جو دفعات شامل کی گئی ہیں وہ قابل ضمانت ہیں جبکہ تھانہ آئی نائن میں درج ایک مقدمہ میں ناقابل ضمانت دفعات پر درج کیا گیا ہے۔

اس موقع پر تھانہ کوہسار میں درج کروائے گئے مقدمے کے مدعی راجا سبطین خان بھی عدالت میں پیش ہوئے، انہوں نے کہا کہ عدالت میں ہی ملزمان شامل تفتیش ہو رہے ہیں، جس پر عدالت نے ریمارکس دیے کہ آپ اپنا کام کریں ہمیں اپنا کام کرنے دیں۔

جج نے ریمارکس دیے کہ تھانہ ترنول، گولڑہ اور آئی نائن کے مقدمات میں کوئی بھی شامل تفتیش نہیں ہوا، میں تفتیشی افسر کو پابند کر دیتا ہو آپ شامل تفتیش ہو جائیں۔

عدالت نے پی ٹی آئی رہنماؤں شیخ رشید، اسد عمر، شاہ محمود قریشی، شہریار آفریدی، قاسم سوری سمیت دیگر کی ضمانتوں کی ضمانتیں منظور کرتے ہوئے ہدایت جاری کی کہ تھانہ آئی نائن، گولڑہ، ترنول میں درج مقدمات میں ملزمان شامل تفتیش ہوں۔

عدالت نے تھانہ کوہسار میں درج پی ٹی آئی رہنماؤں کے خلاف ضمانتوں کی درخواست پر سماعت 27 جون تک ملتوی کردی۔

دوران سماعت مراد سعید نے کہا کہ ملک کے خلاف سازش ہوئی، اسپیکر نے سپریم کورٹ کو مراسلہ بھیج دیا ہے، ہم نے اپنا آئینی اور جمہوری حق استعمال کیا، ہم اپنی آواز اٹھانے کے لیے سڑکوں پر نکلے۔

ان کا کہنا تھا کہ ہم نے اپنے ملک کے لیے قربانیاں دی ہیں، مجھے شاید آئین کا اتنا علم نہ ہو لیکن میرے خلاف بغاوت کا مقدمہ درج کیا گیا۔

انہوں نے کہا کہ جو ظلم کیا گیا آمریت کے دور میں بھی ایسا نہ ہوا، میں وہ مراسلہ دیکھ چکا ہوں، گورا ہمارے ملک کو ڈکٹیٹ کر رہا ہے، گورا کہتا ہے کہ اگر کامیاب ہو گئے تو آپ کو معاف کر دیں گے

مراد سعید کا کہنا تھا کہ روز نیا مقدمہ درج کیا جاتا ہے، علامہ اقبال کے گھر رات کو پولیس والے گھس کر ہراساں کر رہے ہیں، مجھے تکلیف ہے کہ بغاوت کا مقدمہ درج کیا گیا، ہم حلف اٹھاتے ہیں کہ آئین اور قانون کی پاسداری کروں گا۔

بعد ازاں میڈیا سے گفتگو میں سابق وزیر اسد عمر کا کہنا تھا کہ آج ہم پھر عدالتوں میں پیش ہو رہے ہیں، ہم پر جعلی مقدمے بنائے گئے، طاقت کے استعمال سے ملک بند کیا جا سکتا ہے مگر چلایا نہیں جا سکتا۔

ان کا کہنا تھا کہ موجودہ حکومت نے سازش کی، خرم دستگیر کے منہ سے سب نے سن لیا، جب قوم کو ریلیف کی ضرورت ہو تو کہتے ہیں ہمارے ہاتھ بندھے ہوئے ہیں۔

پی ٹی آئی کے رہنما کا کہنا تھا کہ 12 سو ارب روپے موجود تھے، حکومت چاہتی تو آٹے پیٹرول سمیت تمام اشیا پر ریلیف دے سکتی تھی، حکومت عوام کے ووٹ سے نہیں آئی بلکہ لائی گئی ہے۔

مشہور خبریں۔

’پاکستان میں آن لائن نگرانی سخت لیکن ذاتی ڈیٹا کے تحفظ کا کوئی نظام موجود نہیں‘

?️ 3 دسمبر 2024سچ خبریں: 28 نومبر 2024ء کو وزیراعلیٰ پنجاب مریم نواز نے سماجی

صیہونی سیکورٹی عہدیداروں کا حزب اللہ کے بارے میں اہم اعتراف

?️ 31 جولائی 2023سچ خبریں: صیہونی کابینہ کا سیکورٹی اجلاس اس حکومت کے وزیر اعظم

’ہماری عدالت جمہوری ہے، آپس میں اختلاف بھی کرتے ہیں‘، بھٹو پھانسی ریفرنس پر سپریم کورٹ میں سماعت

?️ 27 فروری 2024اسلام آباد: (سچ خبریں) سپریم کورٹ میں ذوالفقار علی بھٹو کی پھانسی

پیلے کا کینسر بڑھتا ہوا

?️ 26 دسمبر 2022سچ خبریں:     ساؤ پالو کے البرٹ آئن سٹائن ہسپتال نے بدھ

کورونا کا شکار ہونے کے بعد صدر مملکت کی صحت کے بارے میں خبر سامنے آگئی

?️ 13 اپریل 2021اسلام آبا(سچ خبریں) کورونا ویکسین کی پہلی خوراک لگنے کے بعد صدر

نیتن یاہو کے بیٹے کی شادی کے لیے شاباک کی خصوصی سکیورٹی تدابیر

?️ 12 جون 2025 سچ خبریں:صیہونی سکیورٹی ادارے شاباک نے قابض وزیر اعظم نیتن یاہو

پاکستان نے بھارت سے تجارت کرنے کا فیصلہ منسوخ کر دیا

?️ 2 اپریل 2021اسلام آباد(سچ خبریں)حکومت نے وفاقی کابینہ کے اجلاس میں مشترکہ طور پر

امریکہ کا یوکرین کو مزید 275 ملین ڈالر کی فوجی امداد کا اعلان

?️ 21 نومبر 2024سچ خبریں:امریکہ نے یوکرین کو ایک اور فوجی امدادی پیکج فراہم کرنے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے