?️
اسلام آباد(سچ خبریں) وزیر اعظم عمران خان نے عید الاضحی کے موقع پر پوری پاکستانی قوم اور عالم اسلام کو مبارکباد دیتے ہوئے کہا ہے کہ وہ دن دور نہیں جب پاکستان ترقی یافتہ ممالک کے شانہ بشانہ کھڑا ہوگا اور پوری پاکستانی قوم کا سر اقوام عالم کے سامنے فخر سے بلند ہوگا۔
وزیر اعظم عمران خان نے عیدالاضحیٰ کے موقع پر اپنے پیغام میں کہا کہ میں عیدالاضحیٰ کے پرمسرت موقع پر پوری پاکستانی قوم اور عالم اسلام کو مبارکباد پیش کرتا ہوں۔انہوں نے کہا کہ عیدالاضحیٰ حضرت ابراہیمؑ کی اطاعت اور حضرت اسمٰعیلؑ کی تسلیم و رضا کی یادگار ہے، آج کے دن ان عظیم شخصیتوں نے اطاعت اور قربانی کی لازوال مثال پیش کی تھی، یہ عمل اﷲ تعالیٰ کو اتنا پسند آیا کہ اسے قیامت تک اُمتِ محمدیﷺ کے لیے عبادت کی حیثیت سے لازم قرار دے دیا۔
ان کا کہنا تھا کہ قربانی کا جذبہ ایک عالمگیر حیثیت کا جذبہ ہے، دنیا میں کوئی قوم اس وقت تک ترقی نہیں کر سکتی جب تک اس میں ایثار اور قربانی کا جذبہ موجود نہ ہو، قربانی صرف جانور کے ذبح کرنے کا نام نہیں ہے بلکہ اس کا مقصد انسان کا اپنی خواہشات کو اعلیٰ مقاصد کے حصول کے لیے قربان کرنا ہے۔
وزیر اعظم نے کہا کہ یہ جذبہ انسان کے اندر ایسی صلاحیت کو اُجاگر کرنے کا جذبہ پیدا کرتا ہے جو اْسے بڑی سے بڑی مشکل صورتحال میں بھی راہِ راست سے بھٹکنے نہیں دیتا۔انہوں نے کہا کہ یہی وہ جذبہ تھا جس کے تحت پاکستانی قوم نے کورونا وائرس جیسی عالمگیر وبا سے حفاظت بڑی دانشمندی، قومی حکمت عملی اور حوصلے سے کی ہے۔
ان کا کہنا تھا کہ وطن عزیز معاشی لحاظ سے جن مشکل حالات سے دوچار تھا اﷲ تعالیٰ کے فضل و کرم سے اب وہ حالات تبدیل ہو رہے ہیں، ہماری معیشت درست سمت پر آچکی ہے، حکومتی اقدامات کے نتیجے میں معاشی اعداد و شمار حوصلہ افزا ہیں، جبکہ مختلف اسکیموں کے ذریعے لوگوں کو ریلیف فراہم کیا جارہا ہے۔عمران خان نے کہا کہ وہ دن دور نہیں جب پاکستان ترقی یافتہ ممالک کے شانہ بشانہ کھڑا ہوگا اور پوری پاکستانی قوم کا سر اقوام عالم کے سامنے فخر سے بلند ہوگا۔
مشہور خبریں۔
ایران فردو میں 60 فیصد تک یورینیم اضافہ کر رہا ہے: رائٹرز
?️ 3 فروری 2023سچ خبریں:خبر رساں ادارے روئٹرز نے بین الاقوامی ایٹمی توانائی ایجنسی کی
فروری
یمنی فوج نے خلیج عدن میں امریکی جہاز کو نشانہ بنایا
?️ 18 جنوری 2024سچ خبریں:یمنی فوج نے مظلوم فلسطینی قوم اور اپنے بھائیوں کے استحکام
جنوری
امریکی قومی سلامتی کے مشیر کی بن سلمان سے ملاقات
?️ 29 ستمبر 2021سچ خبریں:امریکی حکومت کے ایک اعلیٰ عہدیدار نے رائٹرز کو بتایا کہ
ستمبر
ضلع کرم میں راستوں کی بندش سے معمولات زندگی بری طرح متاثر، مظاہرین کا دھرنا جاری
?️ 24 دسمبر 2024 پاراچنار: (سچ خبریں) خیبرپختونخوا کے ضلع کرم میں راستوں کی بندش
دسمبر
سینیٹ میں حکومتی اراکین اور اپوزیشن کے درمیان شدید ہنگامہ آرائی
?️ 14 جولائی 2021اسلام آباد(سچ خبریں)سینیٹ اجلاس ایک بار پھر حکومتی اراکین اور اپوزیشن کے
جولائی
فلسطین اور اسرائیل کے درمیان جنگ میں شدت کی بنیادی وجہ؟
?️ 15 اکتوبر 2023سچ خبریں:مصر کے وزیر خارجہ سامح الشکری نے ہفتے کے روز کہا
اکتوبر
شام کے بارے میں ایران کے سپریم لیڈر کے بہت اہم بیانات
?️ 20 جولائی 2022سچ خبریں: عبدالباری عطوان نے شام کے بحران کے حل کے
جولائی
مسئلہ کشمیر کے حل کے لیئے عمران خان اور آرمی چیف کا اہم بیان، حریت رہنماؤں نے خیرمقدم کردیا
?️ 20 مارچ 2021سرینگر (سچ خبریں) کچھ دن پہلے وزیراعظم عمران خان اور آرمی چیف
مارچ