وزیراعظم کا اہم پیغام، ملک میں مکمل لاک ڈاؤن نہیں لگا سکتے

🗓️ 29 مارچ 2021

اسلام آباد(سچ خبریں) وزیر اعظم عمران خان نے اپنے اہم پیغام میں کہا ہے کہ  وسائل کی کمی کے باعث ملک میں مکمل لاک ڈاؤن اور کاروبار بند نہیں کرسکتے۔کورونا وائرس کی پہلی دو لہروں میں احتیاط کیا اور ماسک پہنا تاہم سینیٹ الیکشن کے دوران محتاط نہیں رہ سکا جس کے باعث وائرس کا شکار ہوگیا۔

انہوں نے کورونا ویکسین سے متعلق قوم کے نام اپنے پیغام میں کہا کہ کورونا کی تیسری لہر پہلی دو لہروں سے زیادہ خطرناک ثابت ہوسکتی ہے ،جس شرح سے تیسری لہر پھیل رہی ہے ہمارے اسپتال بھر جائیں گے، ہم نے جس طرح پہلی لہر میں احتیاط کیا دنیا نے ہماری مثال دی، عوام

ایس او پیز پر عمل درآمد کریں۔ دنیا میں ویکسین کی قلت ہوچکی ہے، جن ممالک نے ویکسین دینے کا وعدہ کیا تھا وہ اپنی ضروریات بھی پوری نہیں کرپارہے۔ اس لیے وائرس سے بچاؤ کے لیے ماسک لازمی پہنیں۔ ۔ وزیر اعظم نے کہا کہ کوروناایسی بیماری ہے اگرسینے میں چلی جائے تویہ بڑی خطرناک بیماری ثابت ہوتی ہے۔

علاوہ ازیں وزیراعظم نے نیا ہاؤسنگ منصوبے پر ہونے والی ٹیلی تھون سے خطاب کرتے ہوئے کہا کہ نیا ہاؤسنگ منصوبہ ملک کے مستقل کے لیے اہم ہے، اپنا گھر اسکیم سے تعمیراتی شعبے میں انقلاب برپا ہوگا، لوگوں کو قرض کے حصول میں درپیش مشکلات کا احساس ہے۔ عمران خان نے گورنر اسٹیٹ بینک اور صدر نیشنل بینک پر سہولتیں فراہم کرنے کے لیے پوری کوشش کرنے پر زور دیا۔