نئے سال کے موقع پر پیٹرولیم مصنوعات کی قیمتوں میں بڑی کمی کا امکان

?️ 30 دسمبر 2025

اسلام آباد (سچ خبریں) نئے سال کے موقع پر پیٹرولیم مصنوعات کی قیمتوں میں بڑی کمی کا امکان ہے۔

نئے سال کے موقع پر عوام کو بڑا ریلیف ملنے کا امکان ہے جو عوام کے لئے حکومت کی جانب سے تحفہ ہوگا۔ پیٹرولیم مصنوعات کی قیمتوں میں 10 روپے 60 پیسے فی لیٹر تک کمی کا امکان ہے، وزارت خزانہ کے ذرائع کے مطابق پیٹرول کی قیمت میں یکم جنوری سے 10 روپے 60 پیسے فی لیٹرکمی کی تجویز دی گئی ہے۔

ہائی اسپیڈ ڈیزل کی قیمت میں 8 روپے 59 پیسے فی لیٹرکمی ہو سکتی ہے، مٹی کا تیل نو روپے فی لیٹر سستا ہونے کا امکان ہے، لائٹ ڈیزل 6 روپے 62 پیسے فی لیٹر سستا کرنے کی تجویز ہے۔

اوگرا کل ورکنگ پیپر حکومت کو بھیجے گی، قیمتوں میں ردو بدل کا حتمی فیصلہ حکومت وزیراعظم کی منظوری کے بعد کرے گی۔