?️
اسلام آباد: (سچ خبریں)پی ٹی آئی کے رہنما شہباز گل کے خلاف ادارے میں بغاوت پر اکسانے کے کیس کی سماعت ہوئی۔اسلام آباد کی مقامی عدالت نے ملزمان پر فرد جرم کے لیے 19نومبر کی تاریخ مقرر کردی۔
پیر کو سماعت کے دوران شہباز گل اپنے وکیل علی بخاری کے ہمراہ عدالت پیش ہوئے، شہباز گل نے کہاکہ اگر اجازت دے دیں تو میں بات کرنا چاہتا ہوں، میری کھانسی کی وجہ سینے میں درد ہے جو اب بھی ہے۔
عدالت نے ریمارکس دیے کہ میں نے سرٹیفکیٹ کو قبول کیا،علی بخاری ایڈووکیٹ نے کہاکہ عام کیسز میں بھی سرٹیفکیٹ دیا جائے تو قبول ہوتا ہے،عدالت نے استفسار کیاکہ حماد یوسف کدھر ہیں،جس پر وکیل نے بتایاکہ وہ کمرہ عدالت میں موجود ہیں،جج نے ریمارکس دیے کہ آج میں کاپیاں تقسیم کروں گا۔
اس موقع پر شہباز گل کے وکیل نے نقول تقسیم کرنے پر اعتراض اٹھاتے ہوئے کہاکہ برہان معظم لاہور سے آتے ہیں، راستوں کی بندش کیوجہ سے وہ نہیں پہنچ پا رہے،دیگر ملزمان کا بھی بتایا جائے، سلمان اقبال کا کیا ہوا، اب اکیلے اکیلے تو کیس نہیں چلے گا،عدالت نے کہاکہ نقول تقسیم کرتے ہیں فرد جرم غائد ہونے پر آپ نے اعتراض کرنا ہے،مجھے پراسیکیوشن نے چالان دو کے ٹرائل کے لیے بھیجی ہے، جب دوسرے آئیں گے تو ان کو دیکھیں گے،میں نے پہلے دن عرض کی تھی آپ نارمل کیس کی طرح لے جائیں، علی بخاری ایڈووکیٹ نے کہاکہ نارمل کیس میں آپ نے تین تین دن کی تاریخ نہیں ڈالی،جج نے کہاکہ آپ کی ابھی فارمل تاریخ چل رہی ہے،میں تمام کیسز میں دو سے تین دن کی تاریخ دیتا ہوں،یہ بہت حساس صورتحال میں ہیں،آپ کے کہنے پر پہلے روز 14 دن کی تاریخ دی تھی۔
علی بخاری ایڈووکیٹ نے کہاکہ دو کی حد تک چالان آیا ہے باقی کا سٹیٹس کیا ہے۔جج نے کہاکہ آپ کے دلائل یہ ہیں کہ آج وکالت نامہ آیا ہے،آپ کا اعتراض ہے کہ نامکمل چالان آیا ہے،میں باقیوں کا سٹیٹس مانگ لیتا ہوں،گزشتہ کئی پیشیوں سے نقول فراہم نہیں ہو رہی۔سرکاری وکیل نے کہاکہ باقی کاز لسٹ کے حساب سے اس کیس کو دیکھا جائے،علی بخاری ایڈووکیٹ نے کہاکہ برہان معظم نے بھی درخواست دی ہے وہ آج نہیں آسکتے۔
جج نے کہاکہ میں آج نقول فراہم کر دیتا ہوں ۔ جس پر وکیل علی بخاری نے کہاکہ آپ برہان معظم کی درخواست تو دیکھ لیں وہ پیش ہوں گے تو نقول فراہم کر دیجئے گا،آپ دو تین دن کی تاریخ دے دیں برہان معظم پیش ہو جائیں گے، نقول بھی ان کی موجودگی میں فراہم کی جائیں تاکہ وہ بحث بھی کر سکیں۔عدالت نے استفسار کیاکہ حماد یوسف کیا آپ کو بھی نقول فراہم کر دیں،مطلب آج آپ نقول نہیں لینگے۔شہباز گل نے کہاکہ ہمارے سینئر کونسل نہیں ہیں ہم میں اتنی ہمت کہاں کہ نقول لے لیں،جج نے کہاکہ حماد یوسف آپ اس تاریخ پر آجائیں پھر دیکھتے ہیں، ٹکٹ آپ کو شہباز گل دے دیں گے۔عدالت نے کیس کی سماعت12 نومبر تک کیلئے ملتوی کی تھی۔
مشہور خبریں۔
سندھ:7جون سے نئی انسداد پولیو مہم کا آغاز
?️ 5 جون 2021کراچی(سچ خبریں) سندھ میں 7 جون سے 7 روزہ انسداد پولیو مہم
جون
ایشیا میں کورونا سے کروڑوں بچوں کی تعلیم متاثر
?️ 20 اکتوبر 2021سچ خبریں:یونیسکو اور یونیسیف نے بتایا کہ 2020 کے شروں میں کورونا
اکتوبر
ریاض-تہران معاہدہ ممکنہ ریاض-تل ابیب معاہدے کو نہیں روک سکتا:امریکہ
?️ 16 مارچ 2023سچ خبریں:امریکی محکمہ خارجہ کے ترجمان نے اس بات کی طرف اشارہ
مارچ
بانی پی ٹی آئی نے ججوں کے معاملے پر چیف جسٹس سے فل کورٹ بنانے کا مطالبہ کیا ہے، بیرسٹر گوہر
?️ 2 اپریل 2024راولپنڈی: (سچ خبریں) چیئرمین پاکستان تحریک انصاف بیرسٹر گوہر نے کہا کہ
اپریل
بہت جلد ایران کے بارے میں فیصلہ کروں گا:ٹرمپ
?️ 14 اپریل 2025 سچ خبریں:امریکی صدر ڈونلڈ ٹرمپ نے کہا ہے کہ ایران سے
اپریل
لاہور: پی ٹی آئی کی زمان پارک سے داتا دربار تک ریلی جاری
?️ 13 مارچ 2023لاہور: (سچ خبریں) سابق وزیراعظم اور پاکستان تحریک انصاف کے چیئرمین عمران
مارچ
ملک کے مختلف شہروں میں فلسطین کے حق میں احتجاجی مظاہرے
?️ 19 مئی 2021اسلام آباد (سچ خبریں) اسرائيلی حملوں کے خلاف فلسطین سے اظہار یکجہتی
مئی
ایروان میں دھماکے سے مرنے والوں کی تعداد میں اضافہ
?️ 15 اگست 2022آرمینیائی حکام نے پیر کو ایروان میں کل ہونے والے خوفناک دھماکے
اگست