شہباز گل نے  پرویز رشید کوشدید تنقید کا نشانہ بنایا

🗓️ 7 نومبر 2021

اسلام آباد ( سچ خبریں) وزیراعظم عمران خان کے معاون خصوصی شہباز گل نے مسلم لیگ ن کے رہنماء پرویز رشید کو  شدید تنقید کا نشانہ بناتے ہوئے انہیں ہر سیاسی برائی کا سرچشمہ قرار دے دیا اور کہا کہ پرویز رشید ہر سیاسی برائی کا منبع ہیں، پاکستان میں تیل سستا جس کا اعتراف بھارت کی پارٹی بھی کر رہے۔

تفصیلات کے مطابق اپنے ایک بیان میں انہوں نے کہا کہ پرویز رشید ہر سیاسی برائی کا منبع ہیں ، پرویز رشید انڈیا کی کانگریس پارٹی کہہ رہی ہے پاکستان میں پیٹرول سستا ہے ، بھارت کی دوسری بڑی پارٹی کہتی ہے بھارت میں تیل مہنگا ہے۔

شہباز گل نے کہا کہ عوام نے پی ڈی ایم کو مسترد کیا ہے ، کوئی کہتا ہے کہ 2022 اور 2023 کا سورج نہیں دیکھنا ، آج نہیں تو کل ہم سب نے جانا ہے ، مہنگائی کے باعث پوری دنیا میں شدید تکلیف محسوس ہو رہی ہے۔

دوسری جانب ملک میں بڑھتی ہوئی مہنگائی پر وزیراعظم عمران خان اور موجودہ حکومت کو ہدف تنقید بناتے ہوئے اپوزیشن لیڈر قومی اسمبلی شہباز شریف نے وزیراعظم عمران خان سے استعفے کا مطالبہ کر دیا ہے۔

مسلم لیگ ن کے صدر اور اپوزیشن لیڈر قومی اسمبلی شہباز شریف نے کہا کہ آٹا، چینی، گھی، دوائی، بجلی، گیس، پیٹرول، معیشت اور مہنگائی پر بس نہیں چل رہا تو استعفیٰ دینا عمران خان کے بس میں ہے ، عمران خان استعفٰی لکھ کر عوام کو فوری ریلیف دیں، ظلم کی یہ حکومت نہیں چل سکتی، چینی کے بعد پٹرول اور اس پر بجلی کی قیمتوں میں ایک اور اضافہ عوام پر مہنگائی کی بمباری ہے۔

اس ضمن میں وزیر اعظم عمران خان نے کہا ہے کہ عالمی سطح پر مہنگائی نے مختلف ممالک کو متاثر کیا ، دیگر ممالک کی نسبت پاکستان میں صورتحال بہتر ہے ، اپنے ایک بیان میں انہوں نے کہا کہ دنیا میں اشیائے صرف کی قیمتوں میں غیر معمولی اضافہ ہوا ، مہنگائی کورونا کے دوران لاک ڈاون کی وجہ سے بڑھی ، جہاں بین الاقوامی سطح پر اشیاء کی قیمتوں میں غیرمعمولی اضافے نے دنیا کے بیشتر ممالک کو کووڈ لاک ڈاؤن کے نتیجے میں بری طرح متاثر کیا ہے ، پاکستان ماشاء اللہ نسبتاً بہتر کارکردگی کا مظاہرہ کر رہا ہے۔