?️
اسلام آباد: (سچ خبریں) پاکستان مسلم لیگ (ن) کے سینیٹر افنان اللہ خان نے کہا ہے کہ الیکشن ہر صورت میں ہونے چاہئیں، سیکیورٹی کے باعث الیکشن ملتوی ہوئے تو کبھی نہیں ہوں گے۔
ڈان نیوز کے مطابق سینیٹ میں انتخابات کو ملتوی کرنے کے حوالے سے قرارداد منظور ہونے کے بعد ایوان بالا سے خطاب کرتے ہوئے ان کا کہنا تھا کہ میں قابل عزت ساتھیوں کی دل آزاری نہیں کرنا چاہتا، میں شہیدوں کا احترام کرتا ہوں، بالکل نہیں چاہتا کہ کوئی دھماکا ہو اور کسی کی جان چلی جائے لیکن ملک کا ایک نظام ہے اور وہ اس نظام سے ہی چل سکتا ہے۔
افنان اللہ خان نے کہا کہ ہم نے جو تجربے کیے ہیں اس کے نتیجے میں 62 ہزار ارب کے قرضے چڑھے ہیں، تو یہ کہہ دینا کہ 62 ہزار ارب کا قرضہ 134 ہزار ارب ہوجائے گا اس لیے الیکشن ملتوی ہونے چاہیے تو کیا پچھلے 6 مہینے میں قرضے نہیں بڑھے؟ یا آپ لوگوں نے یہ لکھ کہ دے دیا ہے کہ قرضہ نہیں بڑھائیں گے؟
انہوں نے کہا کہ جہاں تک الیکشن کی تاریخ کی بات ہے تو فروری 2008 میں الیکشن ہوا، 1997 فروری میں الیکشن ہوا، 1970 میں دسمبر میں الیکشن ہوا، مارچ 1977 میں بھی الیکشن ہوا تو یہ سب سردیوں میں ہوئے ہیں، دوسری جنگ عظیم میں 5 کروڑ 77 لاکھ لوگ مرے تھے لیکن 1944 میں امریکا میں انتخابات ہوئے، 1945 میں برطانیہ میں الیکشن ہوا، ہم کوئی بزدل قوم ہیں؟
افنان اللہ خان کا کہنا تھا کہ 2008 میں ہمارے اپنے ملک میں بھی الیکشن ہوا جب کہ یہاں بھی بہت دھماکے ہورہے تھے، سیکیورٹی کے باعث الیکشن ملتوی ہوئے تو کبھی نہیں ہوں گے۔
یاد رہے کہ آج سینٹ میں 8 فروری کو ہونے والے انتخابات معطل کرنے کے حوالے سے قرارداد منظوری ہوگئی ہے، اس قراردار کی مخالفت سینیٹر افنان اللہ خان نے کی تھی۔
سرکاری نشریاتی ادارے پاکستان ٹیلی ویژن (پی ٹی وی) نے رپورٹ کیا کہ ایوان بالا میں 8 فروری 2024 کے انتخابات معطل کرنے کی قرارداد کثرت رائے سے منظور کی گئی ہے، قرارداد خیبرپختونخوا سے تعلق رکھنے والے آزاد سینیٹر دلاور خان نے پیش کی۔
ڈان نیوز کے مطابق سینیٹر دلاور خان نے کہا کہ ملک کے بعض علاقوں میں شدید سردی کا موسم ہے، سیاسی جماعتوں نے اپنے تحفظات کا اظہار کیا ہے۔
مشہور خبریں۔
پہلگام واقعہ پربھارت مشترکہ تحقیقات چاہتا ہے تو ہم غیرجانبدارانہ انکوائری کیلئے تیار ہیں،رانا ثناء الل
?️ 2 مئی 2025اسلام آباد: (سچ خبریں) وزیراعظم کے مشیر برائے سیاسی امور رانا ثناءاللہ
مئی
الیکشن سروے پر پابندی صرف انتخابی دن کی حد تک ہے، سرکاری وکیل کا عدالت میں بیان
?️ 9 جنوری 2024لاہور: (سچ خبریں) لاہور ہائیکورٹ میں الیکشن سروے پر پابندی کےخلاف دائر
جنوری
پاکستانی پاسپورٹ کا دنیا کے بدترین پاسپورٹس میں شمار ہونے پر گورنر پنجاب کا رد عمل
?️ 11 جولائی 2021اسلام آباد (سچ خبریں) تفصیلات کےمطابق گورنر پنجاب چوہدری سرور نے سماجی
جولائی
دہشت گردی کے خلاف ایران اور پاکستان کا تبادلہ خیال
?️ 8 جنوری 2023سچ خبریں: وزیر خارجہ حسین امیر عبداللہیان اور ان کے پاکستانی
جنوری
کرم میں سڑکوں کی بندش کے خلاف بڑا احتجاجی مظاہرہ
?️ 8 نومبر 2024پاراچنار: (سچ خبریں) خیبر پختونخوا کے کرم میں ضلع کو جانے والی
نومبر
موسمیاتی تبدیلی سنگین مسئلہ، حکومت چیتے کی رفتار کے بجائے کچھوے کی چال چل رہی ہے، جسٹس جمال
?️ 21 مارچ 2025اسلام آباد: (سچ خبریں) سپریم کورٹ کے آئینی بینچ نے موسمیاتی تبدیلی
مارچ
بہت جلد آئی ایم ایف کے ساتھ قرض کی ڈیل ہو جائے گی
?️ 16 نومبر 2021اسلام آباد (سچ خبریں) وفاقی مشیر خزانہ شوکت ترین نے کہا ہے
نومبر
مودی حکومت مقبوضہ کشمیر میں سیاسی آوازوں کو دبانے کیلئے عدلیہ کو بطور ہتھیار استعمال کر رہی ہے: شبیر شاہ
?️ 13 جون 2023سری نگر: (سچ خبریں) کل جماعتی حریت کانفرنس کے غیر قانونی طورپر
جون