سنی اتحاد کونسل کے چیئرمین کا تحریک انصاف کے بارے میں بیان

🗓️ 18 جولائی 2024

سچ خبریں: چیئرمین سنی اتحاد کونسل صاحبزادہ حامد رضا نے کہا ہے کہ تحریک انصاف کی پارلیمانی حیثیت بحال ہو گئی ہے۔

اسلام آباد میں شیخ وقاص کے ہمراہ میڈیا سے گفتگو کرتے ہوئے صاحبزادہ حامد رضا نے کہا کہ اسی وجہ سے مشترکہ پارلیمانی اجلاس بلایا گیا ہے۔

یہ بھی پڑھیں: سنی اتحاد کونسل کی مخصوص نشستیں دوسری جماعتوں کو دینے کا پشاور ہائیکورٹ کا فیصلہ معطل

صاحبزادہ حامد رضا نے کہا کہ سنی اتحاد کونسل نے سپریم کورٹ میں واضح کیا تھا کہ نشستیں تحریک انصاف کی امانت ہیں۔ انہوں نے مزید کہا کہ فل کورٹ کا فیصلہ ہے اور حکومت کو اس پر عملدرآمد کرنا پڑے گا۔

مزید پڑھیں: عوام نے سنی اتحاد کونسل نہیں پی ٹی آئی کو ووٹ دیا، جسٹس جمال مندوخیل

شیخ وقاص نے اس موقع پر گفتگو کرتے ہوئے کہا کہ لگتا ہے حکومت عدلیہ سے تصادم چاہتی ہے۔