?️
اسلام آباد:(سچ خبریں) پاکستان تحریک انصاف (پی ٹی آئی) کے چیئرمین عمران خان نے کہا ہے کہ وزیر آباد میں ان پر قاتلانہ حملہ کرنے والا شخص مذہبی انتہاپسند نہیں بلکہ ایک ’تربیت یافتہ شوٹر‘ تھا۔
جرمن نشریاتی ادارے ’ڈی ڈبلیو‘ کو انٹرویو دیتے ہوئے پی ٹی آئی چیئرمین عمران خان نے دعویٰ کیا کہ حملہ آور کا پروفائل پہلے سے ہی تیار کیا گیا تھا جو کسی مذہبی جنونی سے مماثلت نہیں رکھتا اور وہ کوئی مذہبی انتہاپسند نہیں بلکہ ایک تربیت یافتہ شوٹر ہے۔
عمران خان نے کہا کہ جہاں حملہ ہوا وہاں دو شوٹر موجود تھے اور یہ تصدیق ہوئی ہے کہ ایک شخص سامنے سے فائرنگ کر رہا تھا جبکہ وہاں اور بھی فائرنگ ہوئی، جیسا کہ دو الگ قسم کی گولیاں برآمد ہوئی ہیں۔
انہوں نے حملے کا ذمہ دار حکومت کو ٹھہراتے ہوئے کہا کہ ’مجھے اس منصوبے کا پہلے ہی پتا تھا جو کہ دو ماہ قبل تیار کیا گیا تھا‘۔ پی ٹی آئی چیئرمین نے وزیر اعظم شہباز شریف اور وزیر داخلہ رانا ثنااللہ پر ماڈل ٹاؤن سانحہ اور ماورائے عدالت قتل میں ملوث ہونے کا الزام بھی عائد کیا۔
عمران خان نے شہباز شریف اور رانا ثنااللہ پر تنقید کرتے ہوئے کہا کہ قتل ان کے لیے کوئی نئی بات نہیں ہے اور وہ آپس میں ملے ہوئے ہیں اور اس افسر کا پس منظر لوگوں کو نشانہ بنانا رہا ہے۔
انہوں نے دعویٰ کیا کہ تحقیقات کے لیے تمام ثبوت فراہم کر سکتے ہیں، مزید کہا کہ جب بھی منصفانہ تفتیش ہوگی، یہ تینوں ملوث پائے جائیں گے۔
لانگ مارچ اور نئے انتخابات کے حوالے سے پوچھے گئے سوال پر عمران خان نے کہا کہ وہ یہ سب کچھ ملک کی صورت حال پیش نظر رکھتے ہوئے ملک کو اس صورت حال سے بچانے کے لیے کر رہے ہیں جہاں سے واپسی بھی نہیں ہوسکے گی۔ صحت کے بارے میں بات کرتے ہوئے عمران خان نے کہا کہ چند ہفتوں میں وہ صحت یاب ہو جائیں گے۔
خیال رہے کہ 3 نومبر کو پنجاب کے ضلع وزیر آباد میں پی ٹی آئی کے لانگ مارچ کے دوران عمران خان پر فائرنگ ہوئی تھی جس کے نتیجے میں وہ زخمی ہوئے تھے جبکہ پی ٹی آئی کا حامی معظم نواز نامی شخص جاں بحق ہوگیا تھا، تاہم حملہ آور کو پولیس نے گرفتار کرلیا تھا۔
مشہور خبریں۔
چین میں زلزلے سے 66 ہلاک اور 250 زخمی
?️ 7 ستمبر 2022سچ خبریں: جنوب مغربی چین میں پیر کو آنے والے زلزلے
ستمبر
سعودی ولی عہد نے غزہ میں جنگ بندی اور فلسطینی ریاست کے قیام کی ضرورت پر زور دیا
?️ 18 جون 2024سچ خبریں: سعودی ولی عہد محمد بن سلمان نے عید الاضحی کے
جون
’مجھے قید تنہائی میں رکھا ہوا ہے‘، نیب ترامیم کیس میں عمران خان بذریعہ ویڈیو لنک پیش
?️ 30 مئی 2024اسلام آباد: (سچ خبریں) سپریم کورٹ میں قومی احتساب بیورو (نیب) ترامیم
مئی
عدالتی بغاوت یا ٹیرف وار کو قانونی چیلنج؛ ٹرمپ امریکی سپریم کورٹ کے فیصلے کا انتظار کر رہے ہیں
?️ 30 مئی 2025سچ خبریں: ایک امریکی وفاقی عدالت نے امریکی صدر ڈونلڈ ٹرمپ کے
مئی
وزیراعظم کا ترک صدر کی پاکستانی عوام کی حمایت اور یکجہتی پر خیرمقدم
?️ 13 مئی 2025اسلام آباد (سچ خبریں) وزیراعظم شہبازشریف نے ترک صدر کی جانب سے
مئی
چین دنیا کے لیے سب سے بڑا خطرہ ہے:برطانیہ
?️ 22 مئی 2023سچ خبریں:برطانوی وزیراعظم نے اپنی تقریر میں دعویٰ کیا کہ چین دنیا
مئی
خیبر پختونخوا: جے یو آئی (ف)، مسلم لیگ (ن)، اے این پی دہشت گردوں کے نشانے پر
?️ 26 نومبر 2023پشاور: (سچ خبریں) مرکزی دھارے کی سیاسی جماعتوں میں جمعیت علمائے اسلام
نومبر
امیتابھ بچن بھارتی ٹیم کی غلطیوں پر پردہ ڈالنے لگے
?️ 7 نومبر 2021ممبئی (سچ خبریں) بھارتی ٹیم کی جانب سے آئی سی سی مینز
نومبر