?️
کراچی:(سچ خبریں) کراچی میں ضمنی انتخابات کی تاریخ میں تاخیر پر سندھ ہائی کورٹ نے آئی جی پولیس اور رینجرز کو انتخابات کے دوران سیکیورٹی کےحوالے سے پیشرفت پر رپورٹ آئندہ سماعت پر پیش کرنے کا حکم جاری کر دیا۔
الیکشن کمیشن نے سندھ ہائی کورٹ کو مطلع کیا ہے کہ صوبائی حکومت نے اسلام آباد کی امن و امان کی صورتحال کے لیے سندھ کے 5ہزار اہلکار تعینات کرنے کے بعد کراچی میں ضمنی انتخابات میں مناسب سیکیورٹی نہ ہونے کے حوالے سے الیکشن کمیشن کو آگاہ کیا تھا۔
الیکشن کمیشن نےعدالت کو آگاہ کیا کہ انہوں نے تمام مرکزی سیاسی جماعتوں کے صوبائی اور مقامی رہنماؤں کو 9 نومبر کے اجلاس میں شرکت کرکے کراچی کے ضمنی انتخابات میں اپنا کردار ادا کرنے کا کہا ہے۔
الیکشن کمیشن کے وکیل عبداللہ ہانجرہ نے بیان میں کہا کہ ضمنی انتخابات میں تاخیر کے حوالے سے پاکستان تحریک انصاف اور جماعت اسلامی نے درخواست دائر کی تھی، جس پر چیف جسٹس احمد علی ایم شیخ کی سربراہی میں دو رکنی بیچ نے سماعت کی۔
وکیل نے دو رکنی بینچ کو آگاہ کیا کہ کراچی ڈویژن میں 23 اکتوبر کو ہونے والے بلدیاتی انتخابات سیکیورٹی کی عدم فراہمی کی وجہ سے ملتوی ہوگئے تھے، بعد ازاں الیکشن کمیشن اس معاملے پر 9 نومبرکو دوبارہ غور کرے گا۔
جماعت اسلامی کے وکیل نے استدعا کی کہ صوبائی حکام ضمنی انتخابات میں سیکیورٹی کی عدم فراہمی کا بہانہ بنا رہی ہے لیکن دوسری جانب اسلام آباد میں امن و امان کی صورتحال کے لیے 5 ہزار پولیس اہلکار بھیجے گئے ہیں۔ وکیل نے الزام لگایا کہ بلدیاتی انتخابات کرانے کا فیصلہ الیکشن کمیشن کے بجائے سندھ حکومت کے پاس ہے۔
الیکشن کمیشن نے صوبائی حکومت کا یکم نومبر کا خط عدالت کے سامنے پیش کیا جس میں بتایا گیا تھا کہ سیلاب کی وجہ سے اگلے تین ماہ کے لیے دیگر اضلاع سے پولیس اہلکار بھی دستیاب نہیں ہوں گے۔
وزیر داخلہ کی ہدایت پر سندھ سے بلائے گئے 5ہزار پولیس اہلکاراسلام آباد میں امن و امان کی صورتحال کو کنٹرول کرنے لیے تعینات کیے گئے ہیں، یہ پولیس اہلکار 11ویں انٹرنیشنل ڈیفنس ایکسپو 2022 اور بچوں کے لیے شروع کی گئی کورونا ویکسین مہم کے لیے تعینات ہیں۔
الیکشن کمیشن کا کہنا تھا کہ انہوں نے کراچی میں جماعت اسلامی کے سربراہ حافظ نعیم الرحمٰن، پاکستان تحریک انصاف کے رہنما علی زیدی اور متحدہ قومی مومنٹ پاکستان کے رہنما وسیم اختر اور پاکستان پیپلزپارٹی کے رہنما نثار کھوڑو کو بھی الیکشن کمیشن کے 9 نومبر کو اجلاس میں شرکت کرنے کی ہدایت کی ہے۔
عدالت نے سماعت 10 نومبر تک ملتوی کرتے ہوئے آئی جی پولیس اور رینجرز کو کراچی ڈویژن میں سیکیورٹی کے حوالے سے پیشرفت رپورٹ پیش کرنے کی ہدایت جاری کی ہے۔
یاد رہے کہ کراچی اور حیدرآباد میں 28 اگست کو ملتوی ہونے والے ضمنی الیکشن کے بعد اگست میں پاکستان تحریک انصاف اور جماعت اسلامی کی جانب سے سندھ ہائی کورٹ میں درخواست دائر کی گئی تھی۔
مشہور خبریں۔
نیب تیسرا ترمیمی بل 2022 بھی منظور
?️ 5 جولائی 2022اسلام آباد:(سچ خبریں)وفاقی کابینہ نے نیب تیسرا ترمیمی بل 2022 منظور کرلیا،
جولائی
لبنان کی سرحد پر صیہونی جاسوس خواتین یونٹ کا کیا کردار ہے؟
?️ 15 نومبر 2021سچ خبریں: اتوار کے روز ایک صہیونی اخبار نے جاسوسی اور فوجی
نومبر
سعودی عرب میں ہالووین جشن پر سوشل میڈیا میں تنقید
?️ 31 اکتوبر 2022سعودی عرب میں منعقد ہونے والے ہالووین جشن نے دنیا بھر کے
اکتوبر
ہسپتال میں ادویات اور خوراک کی قلت کے باعث فلسطینی بچوں کی شہادت
?️ 1 مارچ 2024سچ خبریں: غزہ میں کمال عدوان ہسپتال کے ڈائریکٹر نے کہا ہے
مارچ
پی ٹی سی ایل اربوں روپے کی پراپرٹیز کیسے فروخت کررہی ہے؟.قائمہ کمیٹی آئی ٹی اینڈ ٹیلی کام
?️ 26 مئی 2025اسلام آباد: (سچ خبریں) قومی اسمبلی کی کمیٹی انفارمیشن ٹیکنالوجی اینڈ ٹیلی
مئی
تائیوان کے تحفظ کے بارے میں چین کا امریکہ کو انتباہ
?️ 16 ستمبر 2022سچ خبریں: جزیرے کے معاملات میں مداخلت کے بارے میں چین
ستمبر
لبنانی صدر کے انتخاب کے عمل میں سعودی عرب کی نئی رکاوٹیں
?️ 27 فروری 2023سچ خبریںاگرچہ سعودی عرب دوسرے ممالک کے اندرونی معاملات خاص طور پر
فروری
نائجیریا میں داعش کے 100 دہشت گرد دریا میں ڈوبے
?️ 6 ستمبر 2022سچ خبریں: نائیجیریا کے فوجی اور مقامی ذرائع نے آج منگل
ستمبر