اقوام متحدہ میں پاکستان کی آواز بنوں گا۔ بلاول بھٹو

?️ 2 جون 2025

کراچی (سچ خبریں) چیئرمین پاکستان پیپلزپارٹی بلاول بھٹو زرداری نے کہا ہے کہ اقوام متحدہ میں پاکستان کی آواز بنوں گا۔

تفصیلات کے مطابق بلاول بھٹو نے سماجی رابطے کی ویب سائٹ ایکس پر ویڈیو بیان جاری کرتے ہوئے کہا کہ میں نیویارک پہنچ گیا ہوں۔

انہوں نے کہا کہ اقوام متحدہ میں پاکستان کی آواز بنوں گا، دنیا کو بتانے آیا ہوں کے ہم کشمیری عوام کے ساتھ ہیں، ان کے حق خود ارادیت کو کوئی چھین نہیں سکتا۔

چیئرمین پاکستان پیپلزپارٹی کا کہنا تھا کہ پانی ہماری زندگی ہے اس پر زبردستی قبول نہیں، سندھو پر حملہ نا منظور، ہم ہر قسم کی دہشت گردی کے خلاف ہیں۔

بلاول بھٹو نے کہا کہ کسی کو بھی اس بہانے سے ہماری سرحدوں کو نقصان پہنچانے نہیں دیں گے، پاکستان امن چاہتا ہے عزت اور برابری کے ساتھ، بلاول بھٹو یہ ہمارا واضع پیغام ہے۔