?️
اسلام آباد(سچ خبریں) اسلام آباد کے ڈسٹرکٹ ہیلتھ افسر(ڈی ایچ او) ضعیم ضیا نے بتایا کہ 47 سالہ شہری میں کیس کی نشان دہی ہوئی ہے، وہ اسلام آباد میں کام کرتے ہیں لیکن کام کےسلسلے میں شہر سے باہر گئے تھے ان کا کہنا تھا کہ مریض کے ملک سے باہر سفر کرنے کا کوئی ریکارڈ نہیں ہے۔
ضعیم ضیا نے بتایا کہ ویریئنٹ کے اومیکرون کے طور پر تصدیق ہوئی جبکہ ان سے رابطے میں رہنے والے 10 افراد کا پتہ لگا کر انہیں قرنطینہ بھیج دیا گیا ہے۔
انہوں نے کہا کہ ‘اومیکرون ویریئنٹ کے خطرات کے تحت ہماری طبی ٹیمیں اس سے نمٹنے کے لیے تیار ہیں جیسا کہ انہوں نے پچھلی لہر میں مؤثر انداز میں کیا تھا’۔
ڈی ایچ او نے شہریوں پر زور دیتے ہوئے کہا کہ کووڈ-19 کی ایس اوپیز پر عمل کریں اور ویکسین لگوائیں اور اگر اہل ہیں تو بوسٹر بھی لگوائیں۔
اسلام آباد کے ڈپٹی کمشنر محمد حمزہ شفقات نے بھی کیسز رپورٹ ہونے کی تصدیق کی اور کہا کہ مریض کے کراچی سفر کرنے کا ریکارڈ موجود ہے۔
قبل ازیں رواں ہفتے بلوچستان میں اومیکرون کے 12 مشتبہ کیسز رپورٹ ہوئے تھے، ان کے نمونے تصدیق کے لیے نیشنل انسٹی ٹیوٹ آف ہیلتھ اسلام آباد ارسال کردیے گئے تھے۔
پاکستان میں اومیکرون کا پہلا کیس 8 دسمبر کو رپورٹ ہوا تھا اور ٹیسٹ کے بعد نجی ہسپتال آغا خان یونیورسٹی ہسپتال نے 13 دسمبر کو اس کی بطور نئے ویرینٹ تصدیق کردی تھی بیان میں کہا گیا تھا کہ مریض اس وقت گھر میں ہے اور بہتر ہے جبکہ تاحال مزید کوئی کیسز ہسپتال میں رپورٹ نہیں ہوا۔
ڈان کو محکمہ صحت کے ذرائع نے 18 دسمبر کو بتایا تھا کہ کراچی کے 35 سالہ شہری میں بھی ویریئنٹ کی نشان دہی ہوئی ہے اور یہ شہری 8 دسمبر کو برطانیہ سے واپس لوٹا تھا۔
شناخت ظاہر نہ کرنے کی شرط پر عہدیدار نے کہا تھا کہ ان کی رپورٹ بتارہی ہے کہ اومیکرون سے متاثر ہوئے ہیں اور مزید تصدیق کے لیے نیشنل انسٹی ٹیوٹ آف ہیلتھ بھیج دیا گیا ہے۔
خیال رہے کہ کورونا وائرس کے نئے ویرینٹ ’اومیکرون‘ کی تشخیص سب سے پہلے نومبر میں جنوبی افریقہ اور اس کے بعد ہانگ کانگ میں کی گئی تھی۔
نئے ویرینٹ کے سامنے آنے پر این سی او سی کی جانب سے مختلف ممالک پر سفری پابندیاں عائد کردی گئی تھیں۔پاکستان نے اومیکرون کے خدشات کے باعث 27 نومبر کو جنوبی افریقہ سمیت 7 ممالک پر سفری پابندی عائد کی تھی۔
پابندیوں کا شکار ممالک میں 6 افریقی ممالک جنوبی افریقہ، لیسوتھو، اسویٹنی، موزمبیق، بوٹسوانا اور نمیبیا کے ساتھ ساتھ ہانگ کانگ بھی شامل تھا۔
بعد ازاں 6 دسمبر کو مزید 9 ممالک پر سفری پابندی عائد کرنے کا فیصلہ کیا گیا جس میں کروشیا، ہنگری، نیدرلینڈز، یوکرین، آئرلینڈ، سلوانیا، ویتنام، پولینڈ اور زمبابوے شامل تھے۔
علاوہ ازیں این سی او سی نے امریکا، برطانیہ، جرمنی، ٹرینیڈاڈ اینڈ ٹوباگو، آذربائیجان، میکسیکو، سری لنکا، روس، تھائی لینڈ، فرانس، آسٹریا، افغانستان اور ترکی سمیت 13 ممالک کو ‘بی’ کیٹیگری کی فہرست میں شامل کردیا تھا۔
مشہور خبریں۔
پی ٹی آئی کا 15 اکتوبر کو ڈی چوک اسلام آباد میں احتجاج کا فیصلہ
?️ 12 اکتوبر 2024اسلام آباد: (سچ خبریں) پاکستان تحریک انصاف کی سیاسی کمیٹی کے ہنگامی
اکتوبر
تحریک انصاف کا سیاسی کمیٹی کا ہنگامی اجلاس طلب
?️ 25 مارچ 2022اسلام آباد(سچ خبریں)وزیر اعظم نے سیاسی کمیٹی کا ہنگامی اجلاس طلب کر
مارچ
حکومت نےایک مرتبہ پھر اپوزیشن کو مذاکرات کی پیشکش کر دی
?️ 18 نومبر 2021اسلام آباد (سچ خبریں) انتخابی اصلاحات کے معاملے پر حکومت نے ایک
نومبر
ٹک ٹاک کے حوالے سے اسلام آباد ہائیکورٹ کا بڑا حکم
?️ 6 اگست 2021اسلام آباد (سچ خبریں) اسلام آباد ہائیکورٹ نے پی ٹی اے کو
اگست
صیہونی حکومت کی شام کے بحران سے سیاسی فائدہ اٹھانے کی کوشش
?️ 10 مارچ 2025 سچ خبریں:صیہونی حکومت کے وزیر جنگ یسرائیل کاتز نے شام میں
مارچ
صیہونی انتہاپسند کابینہ میں کیا ہو رہا ہے؟
?️ 23 اگست 2023سچ خبریں: صیہونی کابینہ کے انتہاپسند وزیر کی تجاویز کو فلسطینیوں اور
اگست
ہم تباہ ہو رہے ہیں؛صیہونی وزیر اعظم کا اعتراف
?️ 8 جون 2022سچ خبریں:جوبائیڈن کے مقبوضہ علاقوں کے دورے کی منسوخی ان سیاسی مسائل
جون
Millions of Indigenous People May Lose Voting Rights: Alliance
?️ 22 اگست 2022Strech lining hemline above knee burgundy glossy silk complete hid zip little
اگست