راولپنڈی (سچ خبریں) پاک فوج کے شعبہ تعلقات آئی ایس پی آر کے مطابق آرمی چیف جنرل قمرجاوید باجوہ سے یورپی یونین کے سفیر نے ملاقات کی، علاقائی سلامتی اور دوطرفہ تعاون بڑھانے پر تبادلہ خیال، سفیر یورپی یونین نے پاکستان کے ساتھ سفارتی تعاون میں مزید بہتری کیلئے کردار ادا کرنے کا عہد کیا۔
چیف آف آرمی سٹاف جنرل قمر جاوید باجوہ سے جی ایچ کیو راولپنڈی میں پی یونین کے سفیر نے ملاقات کی، ملاقات میں باہمی دلچسپی کے امور اورافغانستان کی صورتحال پر تبادلہ خیال کیا گیا۔
افغان صورتحال میں پاکستان کے کردارپر بھی بات چیت کی گئی۔ یورپی یونین سفیر نے علاقائی استحکام کیلئے پاکستان کی کوششوں کو سراہا۔ علاقائی سلامتی اور یورپی یونین کے ساتھ دوطرفہ تعاون بڑھانے پر بھی گفتگو کی گئی۔ سفیر یورپی یونین نے پاکستان کے ساتھ ہر سطح پرسفارتی تعاون میں مزید بہتری کیلئے کردار ادا کرنے کا عہد کیا۔
