غزہ پر کس کا کنٹرول ہے؟ امریکی حکام کا اظہار خیال

🗓️ 6 اکتوبر 2024

سچ خبریں: عبری زبان اخبار نے غزہ میں حماس کے سیاسی دفتر کے سربراہ یحییٰ السنوار یحییٰ السنوار کی مکمل گرفت کا اعتراف کیا ہے۔

المیادین نیوز چینل کی رپورٹ کے مطابق عبری زبان اخبار معاریو نے اپنی رپورٹ میں کہا ہے کہ تل ابیب کے حکام کی ابتدائی توقعات کے برخلاف، امریکی حکام کا ماننا ہے کہ حماس کے سیاسی دفتر کے سربراہ یحییٰ السنوار اب بھی غزہ کی صورت حال پر مکمل کنٹرول رکھتے ہیں۔

یہ بھی پڑھیں: کیا اسرائیل جنگ کے بعد غزہ میں حماس کی موجودگی کو تسلیم کرے گا؟

اس سے قبل امریکی اخبار وال اسٹریٹ جرنل نے اپنی رپورٹ میں اسرائیلی ریاست اور اس کی سکیورٹی ایجنسیوں کی جانب سے یحییٰ السنوار کا پتہ لگانے میں ناکامی کا ذکر کرتے ہوئے کہا تھا کہ یہ ناکامی ان کے مخصوص مواصلاتی نظام کے استعمال کی وجہ سے ہے، جو خود یحییٰ السنوار نے اسرائیلی جیلوں میں تیار کیا تھا۔

اخبار نے مزید لکھا کہ السنوار ٹیلی فون کالز کرنے، خطوط لکھنے یا دیگر الیکٹرانک رابطوں سے گریز کرتے ہیں، جنہیں آسانی سے ٹریس کیا جا سکتا ہے۔

مزید پڑھیں: غزہ جنگ میں زیادہ کامیابیاں حماس کو ملی ہیں یا اسرائیل کو؟صیہونی کنیسٹ رکن کا اعتراف

اس کے بجائے وہ ایک پیچیدہ نظام استعمال کرتے ہیں جس میں کوڈ شدہ پیغامات اور دستی تحریریں شامل ہیں، تاکہ غزہ میں اپنی رہائش گاہ سے حماس کی کارروائیوں کی نگرانی اور قیادت کر سکیں۔