حزب اللہ کے ڈرونز کے بارے میں صیہونی فوج کے دعوؤں کی حقیقت کیا ہے؟

🗓️ 19 جون 2024

سچ خبریں: اسرائیلی میڈیا نے حزب اللہ کے مقابلے میں تل ابیب کی نئی انٹیلیجنس ناکامی پر ردعمل ظاہر کیا۔

المیادین نیوز چینل کی رپورٹ کے مطابق عبرانی زبان کے میڈیا نے تاکید کی ہے کہ حزب اللہ کا جاسوس ڈرون دیگر ڈرونز کی نسبت چھوٹا ہے جس کی وجہ سے اس کی شناخت اور ٹریکنگ زیادہ مشکل ہے۔

صیہونی میڈیا کا کہنا ہے کہ ہمیں ان تمام مقامات کو زیر نظر رکھنا چاہیے جن کی حزب اللہ کے ڈرون نے شناخت اور فلمبندی کی ہے۔

یہ بھی پڑھیں: اسرائیل کے خلاف حزب اللہ کی اسٹریٹجک برتری

عبرانی زبان کے میڈیا نے لکھا ہے کہ حزب اللہ کے ساتھ کسی وسیع جنگ کی صورت میں یہ مقامات بڑے پیمانے پر حملوں کی زد میں آئیں گے، اسرائیلی فوج نے کل اعتراف کیا کہ اس واقعے نے ایک خطرناک نقصان پہنچایا ہے۔

اس میڈیا نے تاکید کی کہ فوج ہمیشہ یہ اعلان کرتی ہے کہ وہ اپنی ٹریکنگ کی صلاحیتوں کو بہتر بنانے کے لیے دن رات کوشش کر رہی ہے۔

انہوں نے دعویٰ کیا کہ انہوں نے حزب اللہ کے ڈرون کو نشانہ نہیں بنایا کیونکہ انہیں خدشہ تھا کہ اس حملے کے ٹکڑے علاقے میں گر سکتے ہیں جبکہ یہ دعویٰ بے بنیاد ہے کیونکہ فوج اس ڈرون کو دوسرے مقامات پر نشانہ بنا کر گرا سکتی تھی۔

مزید پڑھیں: حزب اللہ کے میزائلوں نے امریکہ میں کیسے ہلچل مچا دی؟

یاد رہے کہ کل حزب اللہ کے میڈیا آفس نے ہدہد جاسوس ڈرون سے موصولہ تصاویر شائع کیں، جن میں دکھایا گیا کہ شمالی مقبوضہ علاقوں کے صفر بارڈر پوائنٹ سے حیفا تک صہیونی فوج کے میزائل تنصیبات، اسلحہ ذخیرہ کرنے کے مقامات، آئرن ڈوم لانچنگ پیڈز، بندرگاہیں اور جنگی جہاز لبنانی مزاحمت کے زیر نگرانی ہیں۔