دنیا

شام میں کیا ہو رہا ہے؟ سڑکوں پر خون کی ندیاں اور اجتماعی قتل عام

10
مارچ

🗓️ 10 مارچ 2025

سچ خبریں:شام میں جاری بحران شدت اختیار کر چکا ہے، جہاں علوی اکثریتی علاقوں میں دہشت گرد گروہوں کی جانب سے اجتماعی قتل عام اور قتل و غارت کا سلسلہ تیزی سے بڑھ رہا ہے۔

المیادین نیوز چینل کی رپورٹ کے مطابق شام ترکمانستانی، چیچن اور شامی دہشت گرد گروہوں نے علوی اور شیعہ شہریوں کو نشانہ بناتے ہوئے اجتماعی سزائے موت کا سلسلہ شروع کر رکھا ہے۔

یہ بھی پڑھیں: الجولانی کے سب وعدے جھوٹے ثابت؛ خاص طبقے کو نشانہ

لاذقیہ کے ثقافتی مرکز کے ڈائریکٹر یاسر صبوح بھی الجولانی کے دہشت گردوں کے ہاتھوں قتل کر دیے گئے،

شہری گھروں سے نکلنے سے خوفزدہ ہیں کیونکہ دہشت گرد انہیں بے دردی سے قتل کر رہے ہیں۔

شائع شدہ ویڈیوز میں دیکھا جا سکتا ہے کہ غیر ملکی دہشت گرد عناصر علوی اور شیعہ برادری کو قتل کی دھمکیاں دے رہے ہیں۔

ایسوسی ایٹڈ پریس کے مطابق، ساحلی علاقے اور قرداحہ (اسد خاندان کا آبائی علاقہ) اب بھی شامی فوج کے کنٹرول میں ہیں لیکن دہشت گرد گروہ وہاں مسلسل حملے کر رہے ہیں۔

شام کے علوی اور شیعہ باشندے اجتماعی قتل عام کا شکار ہو رہے ہیں، جبکہ عالمی برادری خاموش تماشائی بنی ہوئی ہے۔

دہشت گرد گروہ، غیر ملکی عسکریت پسندوں کی مدد سے شام میں فرقہ وارانہ تصادم کو مزید بڑھا رہے ہیں،بشار الاسد حکومت کے حامی علاقے مزاحمت کر رہے ہیں لیکن دہشت گرد گروہوں کا خطرہ مزید بڑھتا جا رہا ہے۔

Short Link

Copied