الجولانی حکومت نے شام کی جیلوں سے درجنوں غیر ملکی دہشت گردوں کو رہا کر دیا  

سچ خبریں:مطلع ذرائع نے شام کی جیلوں سے دہشت گرد حکومت الجولانی کے ہاتھوں درجنوں غیر ملکی دہشت گردوں کی رہائی کی اطلاعات دی ہیں۔  

المعلومہ نیوز ایجنسی کی رپورٹ کے مطابق مطلع ذرائع نے بتایا کہ دہشت گرد حکومت الجولانی نے 50 سے زائد غیر ملکی دہشت گردوں کو رہا کر دیا ہے جو شام کے ساحلی شہروں میں شہریوں کے قتل عام میں ملوث تھے۔

یہ بھی پڑھیں:ہم شام میں غیر ملکی مداخلت کے خلاف ہیں:یو اے ای

مذکورہ دہشت گردوں کو گزشتہ 72 گھنٹوں میں شام کی سات مختلف جیلوں سے رہا کیا گیا ہے، حالانکہ ان کے خلاف شامی خواتین اور بچوں کے قتل عام میں ملوث ہونے کے ٹھوس ثبوت سامنے آ چکے ہیں۔

ذرائع کے مطابق، سوشل میڈیا پر ان دستاویزات اور ویڈیوز کے وائرل ہونے کے بعد الجولانی حکومت نے بین الاقوامی دباؤ کو کم کرنے اور شام کے اندر اور بیرون ملک عوامی غم و غصہ کو ٹھنڈا کرنے کے لیے دکھانے کے لیے انہیں حراست میں لے لیا تھا، لیکن خاموشی کے ساتھ ان عناصر کو رہا کر دیا گیا۔

مزید پڑھیں:غیر ملکی سازشوں پر حتمی فتح یمنی اور شامی عوام کی ہوگی:شام میں یمنی سفیر

الجولانی حکومت نے اس عمل کو خفیہ طور پر انجام دینے کی بھرپور کوشش کی، لیکن سوشل میڈیا پر مذکورہ عناصر کی رہائی کی تصاویر لیک ہو گئی ہیں۔